今次最新的 OLED 電視大概都有以下的賣點，機身更加纖薄、用左無邊框設計，同埋預載左 webOS 2.0 介面。首先講新版 WebOS 2.0 ，最重要的進步相信係 Quick Start 功能，開機速度快 60% 。而電視技術方面，今次 LG 發佈的 4K OLED TV，都用上 Wide Color LED 技術，能夠顯示出更完美的色階以及逼真影像。而 LG True Black 技制就令電視可以顯示出更加純粹的黑色。而音質表現上 LG 就同音訊品牌 Harman/Kardon 合作，為電視加左多聲道超震撼環繞音效 (ULTRA Surround System)。
除左 4K OLED 電視， LG 係 CES 2015 上亦都有展出 4K ULTRA HD TV ，呢種電視賣點除左有 3840 x 2160 解像度之外，另一個賣點就係 Quantum Dot 量子點技術，簡單來講就係在液晶屏幕背光源上面加左一層量子點薄膜，而效果就係令 4K ULTRA HD TV 係色彩還原率方面同傳統液晶 ／ LED 電視相比，會好大約 30% 以上。
