用 Lycamobile 登記澳洲版月費更平
之前版主 Keith 介紹過 Lycamobile 呢張好神嘅儲值卡，做到 $68 每月有 10GB 數據用量，不少網友也入了一張。由於佢用澳洲 IP，你用佢進入 www.netflix.com 會自動轉入澳洲版，你會發覺，你不單可以順利登記，由於佢地用 Paypal 付款無地域之分，你可以用 Paypal 登記! 我地睇過澳洲版 Netflix 與香港版 Netflix 收費，發覺澳洲版收費比較平，入場費大約 HK$50，比起香港版 HK$63 平十三蚊。而澳洲版跟澳洲嘅片庫，版主發現，內容比起香港版更吸引!部份香港收費電視頻道獨家了的內容，如 Letv 樂視與 nowTV 都有透過 RTL / CBS Entertainment 頻道播放嘅 House of Cards，與 FOX 頻道搶先播，但香港人好多都有追開嘅新一季科幻劇 Heros，都可以係澳洲版 Netflix 睇到。若果你唔用呢個方法，你要申請 nowTV 或者 Letv 樂視服務囉。至於電影，部份係香港收費電視熱播緊嘅荷里活片，都係澳洲版 Netflix 出現，好似 Cinderrella 仙履奇緣、Big Hero 6 大英雄聯盟主要係 Disney 出品的吧。澳洲版當然只有英文字幕。
▲ (左為 Netflix 澳洲版、右為香港版月費) 澳洲版月費為 SD 版: A$8.99 / HD 版 A$11.99 及 UltraHD 版 A$14.99，即約 HK$49.2 / HK$65.7 及 HK$82.1 比起香港都要平。
▲ 用 Lycamobile SIM 卡，係手機或平板，進入 www.netflix.com 會自動跳入澳洲版。
▲ 選擇 sign up，澳洲版一樣有一個月試睇，之後，你可以用 Paypal 過數!
▲ 由於澳洲版，會多了澳洲出品嘅電影。
▲ 我地當然睇下有乜美劇：Orange Is The New Black、Neflix 原創系列，香港版有，澳洲版當然有。
▲ 香港大熱嘅 House of Cards、Heros、英劇 Doctor Who，香港版無；澳洲版有!
▲ 香港版有，澳洲版無，係中國大陸電視台播到爛嘅：甄嬛傳
▲ 電影部份有版主好愛嘅 Harry Potter 仲有 Matrix，比較新有 Cinderella 仙履奇緣、Big Hero 6 大英雄聯盟。香港版無嘅!
▲ 估唔到澳洲版睇到葉問，仲係廣東話!
用 Lycamobile 登入，用 WiFi 睇
Lycamobile 用 3HK 3G 網絡，播高清、Ultra HD 有難度！不過咁，其實你可以咁做，先用 Lycamobile 接上 Netflix 澳洲版並播片，睇３０秒後暫停，再接上本地、屋企嘅 WiFI 高速網絡，原來地區認證，只係播片個刻，之後用第二條路，系統認唔到！咁樣睇澳洲版 Netflix 可以慳番 Lycamobile 嘅 10GB 用量。其實 Lycamobile 都有一個好平嘅 $18 / 500MB 及 $28 / 1GB 數據計劃，夠晒用來做揀片與起動視頻之用！
▲ 若果你要用 Lycamobile 睇片，可以選擇 Data Saver 選項，片嘅解像度會比較低，但會慳好多 Data，等你 10GB 用量慢慢睇。
▲ Netflix 支援接上電視機觀看！唔局限手機睇架! (圖為用 Sony 平板，透過 MHL 接上電視機)
▲ 雖然 Lycamobile 不支援手機 tethering 及 Pocket Wifi，但原來可以用 USB Modem。所以係電腦睇澳洲版 Netflix 都無問題。
Netflix 香港推出及收費
Lycamobile 儲值卡抵玩試用