主題:有線大減價!$28 一個月任睇有線新聞 +歐聯 16 強

ePrice HK
  • 發表時間:2018-02-01 20:51 收錄檢舉
    一直以為有線寬頻乜都慢幾拍,所謂優惠一 D 都唔吸引。不過,自轉了大老闆,開始積極了,例如進入二月份,科技網站都開始收到佢哋嘅新聞通知,所以我哋知道佢地即日推出「168有線體育通行証」。呢個通行証,有幾個賣點架,先講講,一個價錢睇晒歐聯十六強,仲包埋好過是是但但 CCTVB 嘅有線新聞,六個月任睇 (其實即日申請係七個嘅)!有線喎,有無伏架!

    有線大減價!$28 一個月任睇有線新聞 +歐聯 16 強

    版主研究過呢個優惠,其實都唔係伏嘅,一個價錢包六個月月費 (即日申請,其實係七個月),包電視解碼器及手機 App 加電腦版服務。

    收費:一次過付 $168
    觀看日期:即日至 2018 年 8 月 30 日
    服務:電視解碼器 (體育台 +一些免費大陸台)+ iCable 手機 App / 電腦版 (新聞台、財經台、娛樂台及體育台)
    簽約:無合約,八月三十日後自動取消

     

    有乜好處?

    001 - 呢個 Package 係包左電視同埋手機 App 睇有線體育台,包括左高清足球台、高清體育台、球彩台以及賽馬18台。足球部份,寫明可以睇到『歐聯』、『德甲』、『德乙』、『日職』及『澳職聯』。

    002 -除左體育,其實包埋 App 版頻道,留意係包埋係 App 睇「新聞台」、「財經台」、「娛樂台」,比起亞洲電視遲下都要收 $38 一個月,呢次除番一個月只係 $28,抵過亞視啦!

    003 - 有線仲話,係 2018 年 8 月 31 日前選購指定有線電視服務,$168 仲會回贈。

    有線大減價!$28 一個月任睇有線新聞 +歐聯 16 強
    ▲ 想申請,可以 Click 入張相就得。


    有線?大家怕唔怕佢出術?定係 CCTVB 新聞台外,俾多少少錢揀過更好嘅新聞來源?大家點睇?

     
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2018-02-02 09:21 檢舉
    Keith Paul Matt Yim說:
    一直以為有線寬頻乜都慢幾拍,所謂優惠一 D 都唔吸引。不過,自轉了大老闆,開始積... 恕刪

    其實佢個名都有返咁上下臭, 一般有返咁上下網齡既網民都知, 有線係易請難送, 除非唔打算cut.. 我既經驗寫一本書都得.. 終止有線服務門檻好高, 唔係你想cut 就cut到 

    大概十幾年cut 佢寬頻既時候, 唔可以用佢ONLINE 張FORM, 要你打去CS 要當日有佢地日期出既CUT FORM 先CUT 到..

    但打佢個hotline 係永遠冇人聽, 好彩就等10分鐘, 唔好彩等1個鐘自動斷埋線又再打過, 好彩打得通, 佢又要fax 張form比你, 但個個屋企有fax架? 佢冇比你, 你即係又要打過hotline由step 1 開始

    到你好彩 有張cut form, 又要fax返比佢地既時候, 又地又話一直都收唔到..總之一定要你過佢通知期60日直到你個contract完左.. 收返正價為止..

    又當你好彩佢收到勒, 佢會寄封信比你去指定地方還, 但又唔知點解好耐都收唔到信喎, 於是又要返去step 1 打去hotline問.. 又係等等等.. 等到之後,

    佢係唔會話你知個地址, 叫你等收信, 對返地址.. 岩勒.. 過幾日真係收到喎.. 以為之好易搞..

    點知要去上環唔知邊座山卡啦商業大廈還佢個解碼器, 我呢D 新界人好日都唔過海, 
    第一次去到就關左門, 等左好耐都冇開最後放棄 我記得間野係冇門牌, 都幾難搵, 係個大廈看更講我先知係還野
    第二次就話我漏左佢放modem 下面舊膠, 唔齊配件唔收, 我見佢D modem堆到成座山咁都冇一份份入好架啦 有冇舊膠係咪咁緊要
    第三次我再還, 都係冇舊膠但又照還到, 仲比左張紙我話還哂OK.. 以為一切雨過天清..
    畢竟用左2個幾月, 還左3次先還到, 之後見到銀行statement 扣左$1860 話我遲還modem, 最後又打去hotline 仲搵埋消委會追左4個月先拎返D 錢, 

    我好日都唔發言, 見到呢D 報導, 我即刻好似果D比人十年前強姦完再講返件事做證人咁.

    算啦, 唔用解碼器, 都驚用你個apps部機成日crash 就多謝哂啦

    想裝的話, 試下打左hotline睇下有冇人聽先再算啦
    02樓 ▲TOP 回列表頁