可能子華知道 Fans 們好慘,於是佢之前竟然一口氣將 1990 年到 2012 年,佢演出過嘅 13 個棟篤笑騷放晒上網。網民一邊撳 F5 或打電話訂飛,就可以一邊登入黃子華 Dayo Wong 棟篤笑官方頻道重溫子華嘅演出笑返下,緩和一下怨氣。子華神昨晚喺 Facebook 上載咗兩條影片,講到明情願放棄兩日休息時間,都希望更多 Fans 和觀眾可以入場。
子華表示 4 月 24 日會正式喺城市電腦售票網賣飛,一共會有 20 幾場,網友就趁住呢個空檔,乖乖哋先重溫過往黃子華嘅演出,聽子華話唔好助長黃牛黨。
資料來源:黃子華 Dayo Wong 棟篤笑官方頻道