主題:全港第一 MCL 數碼港 LUXE 影院有乜咁巴閉? 搶先睇台灣製 RealD 終極銀幕!

  • 發表時間:2020-06-15 20:06
    等到花兒也射了,香港首家 LUXE 影院上線喇! 由 MCL 接手舊址戲院,全新改造並注入美國 RealD 技術產物,變成今日眼前的 LUXE 影院。咁到底有乜巴閉? 而全新登場的 MCL 數碼港戲院又有乜特別,仲有乜其他野值得大家入場? 廢話少講,本 YK 已偷步入去睇左個新場,下面會逐一同大家分享 ~

    MCL 數碼港 LUXE 影院好巴閉? 試台灣製 RealD 終極銀幕

    「注意:為左方便大家,以下會用第一身遊記方式 + 少量技術解說,等大家睇得輕鬆少少。各位團友坐穩喇,我地正式出發!」
     
    首先點入 MCL 數碼港?
    數碼港位於港島南區,原本係發展數碼產業的地方,結果變成一個環境清幽、海景宜人的住宅和商場娛樂地區,裡面有個好大的草地,拍寫真一流,仲有適合狗公們的狗公園,空氣清新海風又爽。 如果你想週末去一個遠離自由亂行的遊客地方,數碼港算係其中一個。但要到數碼港,一般而言你要先到香港,然後再轉車入去,以下係常見的交通工具:
     
    巴士 30X
    42C
    73
    73P
    107P
    970
    中環至數碼港(循環綫)
    北角至數碼港
    赤柱至數碼港
    香港仔至數碼港
    紅磡至數碼港
    蘇屋邨至數碼港
    小巴
     
    10
    10P
    58
    58M
    69
    69A
    69X
    銅鑼灣(謝斐道)﹣ 數碼港
    銅鑼灣﹣數碼港
    香港仔﹣數碼港﹣港鐡堅尼地城站
    貝沙灣-數碼港- 港鐡堅尼地城站
    鰂魚涌(船塢里)﹣數碼港
    香港仔﹣數碼港
    銅纙灣(駱克道)﹣數碼港

    咁本 YK 就選擇左另一個常見的交通工具:自己揸車入去。而需要留意係數碼港有免費泊車,但需要消費 100 元送一小時,200元送兩小時,然後竟然封頂! 好在 MCL 數碼港的顧客呢兩個月有好處: 8 月 30 日完結前最多可以獲得 4 小時免費泊車! 一條龍睇戲食飯啪啪啪,我拍手掌開心咋,優惠內容下面自己睇喇:
     
    項目 詳情 折扣或優惠
    假日泊車優惠
     
    (優惠適用於星期六、日及公眾假期)
     
    出示「MCL數碼港戲院」票尾2張並於「數碼港商場」內任何商戶或食肆單一消費滿$100或以上 可享「數碼港商場」3小時免費泊車服務
    出示「MCL數碼港戲院」票尾2張並於 「數碼港商場」內任何商戶或食肆單一消費滿$200或以上 可享「數碼港商場」4小時免費泊車服務
    消費禮遇 出示「MCL數碼港戲院」票尾於「數碼港商場」之參與食肆消費 優惠詳情可參閱「數碼港商場」網頁
    於「數碼港商場」參與食肆消費滿$150或以上 可享「MCL數碼港戲院」正價電影戲票9折優惠

    MCL 數碼港 LUXE 影院好巴閉? 試台灣製 RealD 終極銀幕
    ▲ 呢個係數碼港商場喇,以前戲院係右邊入,但宜家 MCL 數碼港改為左邊入,見到橙色個牌嗎? 入去商場就是了。

    MCL 數碼港 LUXE 影院好巴閉? 試台灣製 RealD 終極銀幕
    ▲ 沿住室內斜坡行上去就見到 MCL @ Cyberport 個牌,你無去錯地方喇! 細心的網友見到橙色「LUXE」字招牌嗎? 呢個時候可以攞出你的銀兩去買飛嚕。


    新戲院大堂格局係點?
    MCL 數碼港 LUXE 影院好巴閉? 試台灣製 RealD 終極銀幕
    ▲ 揸住你心愛的張飛,沿著樓梯行落去就係「大食部」以及各院入口。

    MCL 數碼港 LUXE 影院好巴閉? 試台灣製 RealD 終極銀幕
    ▲ 你抬頭會見到一個很有趣的「立體顯示屏」,播放緊各種電影預告。
     
    MCL 數碼港 LUXE 影院好巴閉? 試台灣製 RealD 終極銀幕
    ▲ 其實係用風扇式轉動顯示技術,欺騙你肉眼而產生連貫影像,呢個係數碼港商場搞出黎的玩意黎,哈哈。

    MCL 數碼港 LUXE 影院好巴閉? 試台灣製 RealD 終極銀幕
    ▲ 紅色黑色為主調的佈置,戲院大堂保留了最大的空間;你睇現場大家都自動分組隔離 1.5 米,好似係。

    MCL 數碼港 LUXE 影院好巴閉? 試台灣製 RealD 終極銀幕
    ▲ 重點係,只有 1 號院係「LUXE: A RealD Experience 影院」,而 2 和 3 係 MCL 的 FX 影院; 4 仔就係家庭影院;稍後本 YK 會逐一入去大鬧一翻。


    現場有好野食嗎?
    放心,肯定有好西比你食! 除了傳統的爆谷汽水熱狗之外,MCL 數碼港仲加入「台式芝士滷肉撻」(獨家供應)、「植物肉漢堡包」、「天多利雞墨西哥卷」,仲有手工啤酒可飲,其實 ME 係咪去錯左西餐廳呢?

    MCL 數碼港 LUXE 影院好巴閉? 試台灣製 RealD 終極銀幕
    ▲ 對比普通戲院的物價水平,今日 MCL 數碼港個價錢好吸引 ~

    MCL 數碼港 LUXE 影院好巴閉? 試台灣製 RealD 終極銀幕
    ▲ 紅白酒都有,手工啤酒更加係主力產品; 正所謂「入場如登機」,飲翻兩杯入去可能以為自己比「黑寡婦」插緊,兩刀。

    MCL 數碼港 LUXE 影院好巴閉? 試台灣製 RealD 終極銀幕
    ▲ 肉球團從來都係本 YK 最愛;畫面後少少果個係植物肉漢堡包,有興趣朋友可以一戰。


    食飽之後去邊度?
    入場睇片? NO,食飽之後當然要去廁所啦! 但本 YK 只能報告男廁實況,女廁就交比女巴打黎個賽後報告,歡迎 PM 我詳談。

    MCL 數碼港 LUXE 影院好巴閉? 試台灣製 RealD 終極銀幕
    ▲ 寬闊的排隊空間,適合天下英雄豪傑逐個俯首稱臣。

    MCL 數碼港 LUXE 影院好巴閉? 試台灣製 RealD 終極銀幕
    ▲ 冷氣十足的廁格空間最適合思考人生。


    4 號院 Family House 實況一覽
    MCL 數碼港 LUXE 影院好巴閉? 試台灣製 RealD 終極銀幕
    ▲ 以上係 4 號院的座位圖,留意座位分佈是最少 2 + 1 親子佈局:你同另一半打出「雙雙」或者「大三元」都仲可以坐埋一齊睇,如果你地玩埋「大四喜」就幫你唔到了 ~

    MCL 數碼港 LUXE 影院好巴閉? 試台灣製 RealD 終極銀幕
    ▲ 每排座位之間有 1.5 米寬行距,小朋友就好難踢到前面張凳;最多五人相連的玩法,絕對唔會超出「 8 人限聚令」!

    MCL 數碼港 LUXE 影院好巴閉? 試台灣製 RealD 終極銀幕
    ▲ 此影院配備杜比 7.1 環迴立體聲系統,但最值得欣賞係,哪怕你坐係最前排 + 最角落,依然擁有良好的「視角」體驗(如上圖)。


    2、3 號院 FX House 實況一覽
    MCL 數碼港 LUXE 影院好巴閉? 試台灣製 RealD 終極銀幕MCL 數碼港 LUXE 影院好巴閉? 試台灣製 RealD 終極銀幕
    ▲ 以上分別係 2、3 號院的座位圖;兩者其實好相似,但一樣有暗伏,毒 L 千奇唔好買錯! 稍後會解釋。

    MCL 數碼港 LUXE 影院好巴閉? 試台灣製 RealD 終極銀幕
    ▲ 米黃加藍灰 Buttkicker 震動座椅,配合 Atmos 杜比全景聲系統,畫面射出黎係 4K 鐳射投影,屬於 MCL 自己的 FX 影院。(圖為 3 號院)

    MCL 數碼港 LUXE 影院好巴閉? 試台灣製 RealD 終極銀幕
    ▲ 最高一排座位視覺依然優秀,並沒有太大的距離感。

    MCL 數碼港 LUXE 影院好巴閉? 試台灣製 RealD 終極銀幕
    ▲ 但最前排的可視角度就略微辛苦了,需要較大幅度側頭。

    MCL 數碼港 LUXE 影院好巴閉? 試台灣製 RealD 終極銀幕
    ▲ 其實 2 號院望落去同 3 號差不多;

    MCL 數碼港 LUXE 影院好巴閉? 試台灣製 RealD 終極銀幕
    ▲ 毒 L 們留意如果黎睇戲,左右兩側係屬於情侶卡,座位中間係毫無阻隔架! 所以唔好買錯位呀,同女黎一定一定一定要買呢個位! 至於同仔黎就。。。睇你自己造化了。

    MCL 數碼港 LUXE 影院好巴閉? 試台灣製 RealD 終極銀幕 MCL 數碼港 LUXE 影院好巴閉? 試台灣製 RealD 終極銀幕
    ▲ 座位行距絕對夠造,本 YK 身高一米八都可以寬闊有餘、翹黎翹去都無難度。


    1 號院 LUXE: A RealD Experience 祕密睇!
    終於黎到 1 號院,號稱全港第一個 LUXE 影院,而且係採用 RealD Ultimate Screen(譯名:終極銀幕),並非普通的 Precision White Screen 精準白銀幕技術喔 ~ 終極銀幕優點係銀幕更高的反射率,你睇到的畫面會更光亮通透、而且光線分佈更平均,減少以往中央光亮邊沿黯淡的問題,同時光亮度又自然柔和不刺眼。簡單一句:好東西。

    MCL 數碼港 LUXE 影院好巴閉? 試台灣製 RealD 終極銀幕
    ▲ 記住,只有 1 號 House 先係 LUXE 影院。

    MCL 數碼港 LUXE 影院好巴閉? 試台灣製 RealD 終極銀幕
    ▲ 以上 LUXE 影院的座位圖,可見規模係四院中最大。

    MCL 數碼港 LUXE 影院好巴閉? 試台灣製 RealD 終極銀幕
    ▲ 題外話,MCL 數碼港其實係 6 月 16 日正式開幕,你見到呢篇文的時候已經開左幕喇!

    MCL 數碼港 LUXE 影院好巴閉? 試台灣製 RealD 終極銀幕
    ▲ 當你見到咁 L 大個 LUXE 燈牌就知道自己無去錯地方。

    MCL 數碼港 LUXE 影院好巴閉? 試台灣製 RealD 終極銀幕
    ▲ 留意翻,呢度個個都要做毒 L 喇,無情侶卡、無家庭連座,等你可以專心毒自睇電影,感受下 LUXE 的視覺效果啊!

    MCL 數碼港 LUXE 影院好巴閉? 試台灣製 RealD 終極銀幕
    ▲ 呢塊 20 米 X 10 米的終極銀幕其實大有來頭,係美國 RealD 3D 公司技術結合 MIT 台灣製造,皆因銀幕對光學鍍膜和納米量子鍍膜技術要求含量極高,連大導演李安都自豪咁話過「呢個 Moon 」係佢家鄉製造出黎 ~

    1)普通銀幕反射率約 50%,但 RealD 終極銀幕反射率超越 90%;
    2)畫面光度分佈更平均,減少以往四邊趨暗的視覺缺陷,坐邊位都唔怕黑了;
    3)畫面效果的提升在 3D 電影更明顯; 

    MCL 數碼港 LUXE 影院好巴閉? 試台灣製 RealD 終極銀幕
    ▲ 睇左一場簡短的放映會,RealD 的終極銀幕係正:「黑寡婦」的美貌更亮麗、身段更立體、動作更少殘影,畫面上 LUXE 影院確實提供到極佳的享受; 但值得留意係,影院雖然採用杜比全景聲系統,喇叭數目過半百,但本 YK 實際觀賞時的聽感是:聽覺重心比較前傾,導致聲效宏觀立體感並不強,但亦有可能是片源限制所致,睇黎過幾日要再黎睇多次!

    MCL 數碼港 LUXE 影院好巴閉? 試台灣製 RealD 終極銀幕
    ▲ 介紹翻,上面幾套就黎上映的 3D 大作都係有 RealD 技術參與,要睇最好畫質享受自然係去 LUXE 影院睇啦!


    睇完散場有乜總結?
    作為香港首個 LUXE 影院,MCL 數碼港戲院配套功夫都比足大家,好食好睇好享受,如果係定位假日親子活動、或者自己一個活動都不失為一個好選擇。 RealD 終極銀幕的視覺效果比傳統戲院銀幕好太多,亮度和通透的差異非常明顯,值得大家課金入場感受一翻,遺憾係今次未有機會試睇 3D 電影,本 YK 決定擇日再戰三百回!

    撇開 LUXE 影院,相信擁有情侶卡的 2、3 號 FX 院都係唔少網友的心水;有細路的網友就請直入 4 號院,前後排一律視角優良睇得舒服。可惜係因為武漢肺炎病毒,影院裡面依然不能暢飲勁食;提醒網友多一樣野,MCL 數碼港一樣會做消毒工作,而你無戴口罩都唔比入場的。

    忘記講大家最關心的票價,我只係知道原本 140 蚊的 LUXE 戲票宜家變成 60 蚊一張,唔知個優惠做到幾時,所以我會狗衝多幾次睇飽佢先。如果你肯玩早場 / 夜場更加係 50 蚊;而學生一律 40 蚊,如果時光可以倒流,我都會帶女友入去啪啪啪啪,為睇到一部好戲而大力鼓掌支持。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁