主題:北角新戲院 ACX Cinemas 開幕:實地考察 3 大好處!

  • 發表時間:2020-11-28 00:07
    終於開幕了! 講緊位於北角的 ACX Cinemas 新戲院,作為港島通的 YK 當然要率先入場同大家進行實地考察啦! 見到個標題大家可能會好奇問,到底有邊 3 個因素值得大家呢個時候入場睇電影? 梗係有啦!

    北角新戲院 ACX Cinema 開幕:實地考察 3 大好處!

    實地考察
    北角新戲院 ACX Cinema 開幕:實地考察 3 大好處!
    ▲ 全新 ACX Cinemas 戲院位於北角最新的大型商場「北角匯」裡面,巴士直到「北角碼頭總站」;觀塘渡輪過海亦是直達北角碼頭;地鐵北角站 A1 出口過馬路就係; 我實測過,全部落車、出站、落船後跑 30 秒就到達商場,呢個戲院可以話係佔盡地理優勢。

    北角新戲院 ACX Cinema 開幕:實地考察 3 大好處!
    ▲「北角匯」其實有幾座建築物,二期二樓角落就係 ACX Cinemas 戲院了;全院有 4 個 HOUSES,合共 143 個座位,絕對稱得上係迷你戲院規模。

    北角新戲院 ACX Cinema 開幕:實地考察 3 大好處!
    ​▲ 官網其實已經可以提供售票服務了,在 12 月 16 日前享有成人 70 蚊的票價優惠;你可能會話,港島其他場大部分都係 60 蚊,話明開幕優惠點解都會貴過人地呢? 初頭本 YK 都係同大家想法一樣,但到場後又覺得寧願比 70 蚊好過。 WHY?


    HOUSE 1 - 專門播放港產片(主打杜琪峰作品) 
    北角新戲院 ACX Cinema 開幕:實地考察 3 大好處!
    ​▲ 呢個 HOUSE 1 係港產片專屬影院,特別播放港產片的致敬系列,而第一個月係播放杜琪峰導演經典作品,杜導演的粉絲絕對不容錯過。

    北角新戲院 ACX Cinema 開幕:實地考察 3 大好處!
    ​▲ ACX Cinemas 規模雖細小,但座位的舒適程度確實係冠絕其他院線,本 YK 非常喜歡這種家居真皮「單座梳化」的軟熟感覺,座位質素高能夠讓人安心舒暢地享受電影。

    北角新戲院 ACX Cinema 開幕:實地考察 3 大好處!
    ​▲ 不論是座墊、椅背的厚度,要承托我這種身高 6 尺、體重過百的男子一樣毫無難度,坐左落去我唔想起翻身。

    北角新戲院 ACX Cinema 開幕:實地考察 3 大好處!
    ​▲ 私人推介可以嘗試坐第一排最外面呢兩個位,你可能會話: YK 大師,你黐線咩? 叫人買第一排?  係呀! 第一排係最舒服,因為座位係可以好似屋企張梳化咁有機關,輕輕一拉機關就會成張野訓落去(如圖); 本 YK 完全可以放鬆躺下去睇片,而得益於迷你影院的設計,實測銀幕長度沒有超出人類眼睛的可視角度,最外面呢兩個座位依然輕鬆睇得晒;而且聽聞第一排價錢再平少少。


    HOUSE 2 + 3 小型家庭影院
    北角新戲院 ACX Cinema 開幕:實地考察 3 大好處!
    ​▲ 呢種迷你戲院最好就係包場黎睇戲搞放映活動。

    北角新戲院 ACX Cinema 開幕:實地考察 3 大好處!
    ​▲ 一班同學仔 34 個人同場滿座睇電影,熄左燈之後確實係一件好浪漫和青春的事。咩話你讀「和尚寺」? 

    北角新戲院 ACX Cinema 開幕:實地考察 3 大好處!
    ​▲ 影院細自然銀幕細,所以選擇座位方面建議前排優先,視覺臨場感會比較強烈。

    北角新戲院 ACX Cinema 開幕:實地考察 3 大好處!
    ​▲ 四個 HOUSE 的配色都不同,配合和字體都好有日本戰隊 FEEL。。。

    北角新戲院 ACX Cinema 開幕:實地考察 3 大好處!
    ​▲ HOUSE 3 座位稍微多翻少少,座位一樣係舒服的「單座梳化」,同樣建議試玩第一排。


    睇完戲睇幻彩星空燈
    北角新戲院 ACX Cinema 開幕:實地考察 3 大好處! 北角新戲院 ACX Cinema 開幕:實地考察 3 大好處!
    ​▲ 不論是 HOUSE 1、2、3 離場的通道都會見到幻彩星空燈效果,不斷轉色、持續閃動,但我本人覺得有一個潛在缺點:女士肯定會塞住係條通道玩自拍打卡,而兵長、伍長們肯定會幫手影埋一份,我只係想離場翻屋企咋!


    隱藏的 4 號院
    北角新戲院 ACX Cinema 開幕:實地考察 3 大好處!
    ​▲ 唯一入口位於另一邊的 HOUSE 4 是 ACX Cinemas 的貴賓院;價錢貴之餘享受亦係香港獨家玩法。

    北角新戲院 ACX Cinema 開幕:實地考察 3 大好處!
    ​▲ 香港首創的電動按摩椅睇戲體驗,一場得 8 個座位,目前每位係 180 元,貴? 其實不貴。

    北角新戲院 ACX Cinema 開幕:實地考察 3 大好處!
    ​▲ ACX Cinemas 所採用的是定製版 OTO Esselence 系列,特設靜音按摩模式。

    北角新戲院 ACX Cinema 開幕:實地考察 3 大好處!
    ​▲ 日本機場 15 蚊玩 10 分鐘只係普通按摩椅,一套電影 100 分鐘當你玩 5 轉 10 分鐘,已經 75 蚊,計算落去戲飛完全唔貴、值得一試。

    北角新戲院 ACX Cinema 開幕:實地考察 3 大好處!
    ​▲ 每個 VIP 按摩椅旁邊都有一個小櫃檯,比大家放野飲和隨身袋之類。

    北角新戲院 ACX Cinema 開幕:實地考察 3 大好處!
    ​▲ 需要留意係,為了觀眾身體負荷、機器運作考慮,按摩椅會十幾分鐘自動關閉一次,你需要手動再重新開啟;睇電影過程一路按住腰背確實係舒服,本 YK 建議呢個貴賓院適合音樂類、聽覺類、慢活類的電影;老實,如果 180 蚊買到兩個小時,我入場訓覺都覺得正爆!


    特殊包裝爆谷
    北角新戲院 ACX Cinema 開幕:實地考察 3 大好處!
    ​▲ 特殊設計的爆谷包裝亦係 ACX Cinemas 特色之一,但目前因疫情的緣故只能睇不能食,待疫情好轉先有得賣。


    總結:邊三個原因推介入場?
    老一輩中意 HOUSE 夠大,但新一代如本 YK 去睇戲其實唔喜歡人多。ACX Cinemas 每個院都不超過 50 座,而最吸引我的是高質素的座位,真皮超厚的單座梳化! 高大男性要找一個舒服的戲院座位很難,所以 ACX Cinemas 的座位就是我 70 元都覺得超值的原因。更何況這裡有全港罕見的按摩椅睇戲設計,坐得舒服係其中一個推介大家入場的原因。

    「北角匯」商場其實上蓋就是永久海景住宅項目,但離奇係總看不到住客,而且商場位置靠近維港海邊,並非主幹道中心,而人流都是北角附近的街坊為主,對比銅鑼灣和康怡的密集人口可說是人煙稀少,奇在交通又好方便。如果你想熱鬧少少可以行一分鐘入英皇道;如果想找一個市區「打發時間行街睇戲食飯一條龍、又唔要人少」,「北角匯」係我另一個推介大家過來入場的原因。

    好多朋友呢排都唔返工,或者被逼平日放假,ACX Cinemas 可以一家大小入場睇戲,而商場本身做緊 MON - FRI 平日特殊泊車優惠,150 蚊電子付款消費送 2 小時免費泊車,250 蚊送 3 小時;三四個人睇場戲、食埋飯乜都夠晒,而且「北角匯」車位無康怡和銅鑼灣咁緊張; 富貴中產網友可以考慮揸車入場。 而商場本身其實未達到太古城巨大級別,但勝在樓下有個「一田超市」睇完戲落去買餸相信會成為街坊的慣常做法。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁