主題:減價先入手:SHURE MV7 課金開箱實測到底音質有幾好?

  • 發表時間:2020-11-28 11:47
    正所謂唔錄唔知聲底好,對於一般人而言,以前一支音質好的錄音咪係非必需品。但今日個個 WORK FROM HOME 開會講野,你有無發現聽得好辛苦? 因為你個老細、你個同事用緊垃圾咪呀! 本來見到版主分享 SHURE MV7 新登場,號稱係元祖 SM7B 的血統版。 本 YK 趁減價 67 折成功入手,梗係要同大家分享下,到底咁貴的錄音器材有乜咁好? 

    減價先入手:SHURE MV7 課金開箱實測到底音質有幾好?

    開箱
    其實對於普通人黎講,我係絕對唔覺得你有任何需要買靚咪的需求,一般而言玩開音樂、直播、網台等含有播音成份的用途,本 YK 先會建議大家必須入手靚野,否則聽眾聽到你把聲好拆的話,肯定會問候你全家。普通 WORK FROM HOME 開會用 SHURE 另一款入門 MV5C 街價 800元不到,或者 Razer Seiren X 上森林直送都係 560 元;當你老闆發現你把聲係全個網絡會議中最好聽的話,肯定對你印象提高。

    減價先入手:SHURE MV7 課金開箱實測到底音質有幾好?
    ▲ 行貨有齊銀色黑色,而我入手係黑色; 建議零售價 2498 元邊有人買,所以街價已經跌到落去 17XX - 19XX 喇!

    減價先入手:SHURE MV7 課金開箱實測到底音質有幾好?
    ▲ SHURE MV7 係支持 iOS 和 Android(指定手機)直接連線錄音。

    減價先入手:SHURE MV7 課金開箱實測到底音質有幾好?
    ▲ 香港行貨保養記得留翻呢張貼紙和單。

    減價先入手:SHURE MV7 課金開箱實測到底音質有幾好?
    ▲ 盒內有一堆印刷品包括保養書、說明書、還有一張不明用途的卡紙板; 配件方面除了附送金屬轉接環外亦有兩條數據線,分別是 USB-A to microUSB 和 microUSB to USB-C 兩款;所以,如果你係蘋果用戶就要自己買嚕 ~

    減價先入手:SHURE MV7 課金開箱實測到底音質有幾好?
    ▲ 黑色一碌野,就係 SHURE MV7 咪體和 Y 型調控架;但要留意包裝內是不含直立座或附支架,需要你自己另外買。


    本體介紹
    減價先入手:SHURE MV7 課金開箱實測到底音質有幾好?
    ▲ 任何標準「咪 Stand」接口都可以上到支 MV7,或者透過轉接環亦可以上係細 MOUNT 都得。

    減價先入手:SHURE MV7 課金開箱實測到底音質有幾好?
    ▲ 本身包一個海綿頭套比你,除套後會見到金屬保護網; 我建議大家戴翻個套,確保口水唔好咁容易飛入去咪內。

    減價先入手:SHURE MV7 課金開箱實測到底音質有幾好?
    ▲ 除了透過 microUSB 連接電腦外(為何不做成 USB-C 呢?)亦支持專業 XLR 接口; 而大家亦可以見到 MV7 支持 3.5mm 耳機同步即時監聽。

    減價先入手:SHURE MV7 課金開箱實測到底音質有幾好?
    ▲ MV7 本體支持觸控式操作,具有靜音開關。

    減價先入手:SHURE MV7 課金開箱實測到底音質有幾好?
    ▲ 手指放在音量條上滑動觸碰,就可以無聲調控監聽音量、以及音源增益,相當方便實用。

    減價先入手:SHURE MV7 課金開箱實測到底音質有幾好?
    ▲ 另一側是切換觸控,利用同一個音量條操控監聽和音源大細。


    SHUREPLUS MOTIV DESKTOP 軟件
    從專業咪變成支持電腦直播時代的工具,獨家桌面電腦軟件確實大大加分,尤其是對於新手用戶或者沒有獨立 SOUND BOX 配置的電腦。 SHURE 自製的軟件能夠簡單幫你調整出你想要的參數。

    減價先入手:SHURE MV7 課金開箱實測到底音質有幾好?
    ▲ 軟件係可以設定成正體中文;

    減價先入手:SHURE MV7 課金開箱實測到底音質有幾好?
    ▲ 入門用戶可以採用自動模式,設置簡單又直接,根據你自己的使用情況點擊幾下就設置完成。

    減價先入手:SHURE MV7 課金開箱實測到底音質有幾好?
    ▲ 手動模式下其實亦屬於基本功能,手動增益、EQ PRESETs、LIMITER 和 COMPRESSOR 都齊全;新手如果買 MV7 唔識設定可以 PM 我。


    實測到底音質差幾遠?
    一支靚咪的強弱,其實價位低就好明顯,但越上去差距就越唔大; 應該話未經過訓練和經驗不足的人會唔太區分到當中的差異。 以下會有一條 Youtube 片,而其實 Youtube 預設串流的質素應該聽唔出明顯的音質差別,但 MV7 既然係主打直播、串流用途,咁用 Youtube 都好合理喇! 通常我會一次過錄 3 個裝置:第一個當然係 SHURE MV7;第二個係 ZOOM H2N 手提錄音機,第三個就係手機的預設錄音機。

    減價先入手:SHURE MV7 課金開箱實測到底音質有幾好?
    ▲ 這就是 ZOOM 的 H2N 手提錄音機,大家有興趣就自己 Google 下佢的資料。

    SHURE 和 ZOOM 自然是採用 WAV 錄製,而所有的效果功能都關閉,包括 LIMITER 和 COMPRESSOR 等功能,而兩個裝置的輸入功率調整到差不多水平;手機錄音無法調整個別參數,只係設定為最高音質的 FLAC 等級錄音。
     

    ▲ 網友可以用耳機收聽而達到更佳的聽覺還原度。


    總結
    手機音質哪怕上到 FLAC 高音質都係垃圾級; ZOOM H2N 的聲音表現比較平均,畢竟是一款主打多用途的手提錄音機,但人聲表演卻係比較尖銳; SHURE MV7 人聲表現相當圓潤,本人沈厚的低音能夠更全面地收晒音。而且 SHURE MV7 錄製出來無咁多雜音,三個裝置處於同一個環境進行錄製,「呼吸換氣聲」和開合口時「口水滴答聲」,大家聽到 SHURE MV7 係處理得最理想。

    如果睇埋價位分佈的話,ZOOM H2N 行貨要 1400 蚊,SHURE MV7 行貨 17XX 蚊,兩者相差 300 元幅度。以 BROADCASTING 用途作準則的話,我肯肯定都會買 SHURE MV7。 但宜家本 YK 都唔需要選擇嚕,一個出街用、一個屋企用,WHY NOT BOTH?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁