主題:非國產之選:美國 Arlo 無線視像門鈴 Essential 行貨開箱實測!

  • 發表時間:2021-03-08 09:55
    過往市場上絕大部分的無線視像門鈴,都係 MIC 或者中國品牌的產品,有不少網友都話好少選擇啊! 其實美國 Ario 係專門做無線網絡攝影機的公司,最近就正式推出左 Arlo Essential 無線視像門鈴,唔少網友話相當興奮! WHY? 佢地話因為終於可以訓係床度睇到門口邊個「撳鐘仔」囉!

    非國產之選:美國 Arlo 無線視像門鈴 Essential 行貨開箱實測!

    開箱
    Arlo 而呢個牌子大家可能覺得陌生,但其實佢係 Netgear 分拆出黎,後者係大型 ROUTER 品牌,一貫以非中國製造產品線見稱。同時,Arlo 分拆後亦係紐約上市公司黎。 所以,論公司技術背景、產品安全可靠度,你仲需要攞佢同市面上其他產品比較嗎?  今次同大家開箱實測的係最新香港有行貨的「撳鐘仔」Arlo Essential 無線視像門鈴,香港個賣價係 1788 元,包括 3 個月 Arlo Smart 雲端服務試用期,以及 30 日雲端儲存錄影服務。 留意翻,過晒試用期時候,就係要課金比月費延續服務喇。

    非國產之選:美國 Arlo 無線視像門鈴 Essential 行貨開箱實測!
    ▲ 盒身已經列出所有可以做到的功能。

    非國產之選:美國 Arlo 無線視像門鈴 Essential 行貨開箱實測!
    ▲ Essential 可以配合到乜野服務,盒身都清楚列出。

    非國產之選:美國 Arlo 無線視像門鈴 Essential 行貨開箱實測!
    ▲ 門鈴黎講,佢有夜視、有 Video Call、又係輕度防雨。

    非國產之選:美國 Arlo 無線視像門鈴 Essential 行貨開箱實測!
    ▲ 最重要係同你講清楚,呢件 Essential 最大比例都係印尼生產,而後續處理工作就係翻中國;宜家好少有廠商會咁清楚、咁大聲話比客戶聽,自己產品係邊度生產,邊度包裝。

    非國產之選:美國 Arlo 無線視像門鈴 Essential 行貨開箱實測!
    ▲ 真身登場! 仲有一層保護膜包住,往往呢類細節就可以睇得出廠家是否用心。

    非國產之選:美國 Arlo 無線視像門鈴 Essential 行貨開箱實測!
    ▲ 每個配件都安置妥當,盒內的說明書亦會講清楚比你聽到底會包括乜野配件,確保你有收齊堆配件。

    非國產之選:美國 Arlo 無線視像門鈴 Essential 行貨開箱實測!
    ▲ 逐個配件同大家介紹:左邊係專用充電池,中間是開蓋針,右邊自然是 microusb 充電線。

    非國產之選:美國 Arlo 無線視像門鈴 Essential 行貨開箱實測!
    ▲ 黎電池係官方跟機比,但只有一粒;而我建議如果大家有預算,可以考慮入多一粒做後備。 點解呢?

    非國產之選:美國 Arlo 無線視像門鈴 Essential 行貨開箱實測!
    ▲ 電池擁有超大 6500mAh 電量,但所以充電輸入都需要一定的時間; 呢個亦都係點解我會建議大家有得買多粒電就要買。 一粒無電就直接用另一粒頂上,然後無電果個慢慢充,咁個 Door Bell 就可以無間斷咁保持工作模式,保護你屋企喇!

    非國產之選:美國 Arlo 無線視像門鈴 Essential 行貨開箱實測!
    ▲ 充電位置相當唔隱蔽,隱藏在膠塞保護住的閃電符號下。

    非國產之選:美國 Arlo 無線視像門鈴 Essential 行貨開箱實測!
    ▲ 需要用力撥開才可以見到 microusb 充電接口。

    非國產之選:美國 Arlo 無線視像門鈴 Essential 行貨開箱實測!
    ▲ 就係咁直接插落去充電,紅色自然未滿,綠色就完成充電,用 5V/2A 火牛實測大約充電 3 小時以上;官方宣稱充滿電一次可以持續 3 - 6 個月。

    非國產之選:美國 Arlo 無線視像門鈴 Essential 行貨開箱實測!
    ▲ 破膜之後真身如上,上門係大眼仔,下面圓圈是門鈴按鈕。

    非國產之選:美國 Arlo 無線視像門鈴 Essential 行貨開箱實測!
    ▲ 接近半球體的鏡頭能夠提供 180 度視野,提供解像度達到 1536 X 1536 的 1:1 比例影片;亦支持 HDR 應對高光差場景。

    非國產之選:美國 Arlo 無線視像門鈴 Essential 行貨開箱實測!
    ▲ 機身背部就係咁樣,就係會有一個大大窿係度;如果豪宅、村屋用戶安裝的話,咁咪會漏水? 嘻嘻。

    非國產之選:美國 Arlo 無線視像門鈴 Essential 行貨開箱實測!
    ▲ 打開背蓋是需要用到類似手機的卡針,而 Arlo 配送這個比較粗,用力會更好輕鬆。

    非國產之選:美國 Arlo 無線視像門鈴 Essential 行貨開箱實測!
    ▲ 開蓋之後就會見到如圖的情況,右邊背蓋會見到接線位,係可以將無線門鈴變成有線門鈴,咁就唔需要換電喇。

    非國產之選:美國 Arlo 無線視像門鈴 Essential 行貨開箱實測!
    ▲ 呢個 IP65 我無法從官網確認到係咪屬於防水規格(我估計有機會唔係),但官網有明確表示「專為承受高溫、寒冷、雨水或陽光而設計」;而且再一次見到「印尼產品」、「中國後續加工」的英文標識。

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 香港行貨都係有跟呢個「增加斜角」蓋,加落去就可以將個背同牆身形成一定側視角度,特別適合香港房屋單位多角度的走廊空間。

    非國產之選:美國 Arlo 無線視像門鈴 Essential 行貨開箱實測!
    ▲ 需要留意,如果想將無線變成有線,需要自行根據說明書教學配置適當的火牛配件。

    非國產之選:美國 Arlo 無線視像門鈴 Essential 行貨開箱實測!
    ▲ 接線器竟然都配埋比我(但我用不著); 入牆螺絲套件自然齊全。 

    非國產之選:美國 Arlo 無線視像門鈴 Essential 行貨開箱實測!
    ▲ 準備好晒就自然要睇說明書,DOWN APP 進行初始設定。


    軟件設定
    Arlo Essential 無線視像門鈴係需要配合智能手機先用得到的,而相關 Apps 可以係 Play Store 和 App Store 免費下載得到。 設定的過程不算簡單,但亦不算複雜,只係有幾個 TIPS 位會係下面醒比大家,減低各位撞板的機率。

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 上門係正確的 Apps,唔好 DOWN 錯呀;而首次用 App 係需要進行註冊啟動。

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 由於 Arlo Essential 都算係一種保安產品,所以我係強烈建議大家啟動「兩階段認證」,而如果你部手機擁有足夠的加密習慣,就可以好似我咁「信任」此裝置。

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 根據產品類別選擇 Essential 無線視訊門鈴就可以了。

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 個 App 仲會相當貼心、煩厭地係咁提醒你,到底會有乜野配件係盒裡面。

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 請按照指示準備工具,以及幫電池充滿電。


    網絡有指定要求
    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 安裝過程會分為:無線設定、鑽牆安裝兩個過程;後者其實大家可以自己 FF 用鑽牆或其他方法固定好你個 Essential Doorbell;無線設定就要留心,必須用 2.4GHz 的 WiFi 網絡! 意味住如果好似本 YK 屋企咁一早淘汰左 2.4GHz 網絡的用戶,就需要再開翻 2.4GHz 制式,或者自己另外追加一個單獨用的 ROUTER 先能夠成個用得到佢。

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 配對好之後,再有一輪簡單的教學,就正式進入操作界面了,大家見到上門個畫面,相當亮麗和清晰。

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 我呢度必須提醒大家,你單買機體係會送 3 個月試用服務,係試用期完結之後就需要課金買服務;最平的方案係 24 蚊一個月,包括 2K 像素錄影,動態偵測,以及最高保留 30 天的雲端影片記錄。 如果你唔課金,就會得翻動態提示(無記錄無影片睇)、以及 LIVE 直播門外情況。 所以,我係強烈建議大家如果需要買呢類 Doorbell,強烈考慮課金比值得你信賴的供應商,訂閱埋個雲端服務,一整套用落去會爽好多!

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 大家可以見到屋主門外是一個小 L 型走廊,防火門可能會有人出黎,而走廊就梗係都會有人走動; 而 Arlo Essential 支持區域動作警示,意味住如果係該區域裡面有「移動」發生,就會提示你,好似右圖咁,就發現左我三次的移動記錄,手機亦發出提示通知,而且會錄晒係雲端比我隨時翻開。

    非國產之選:美國 Arlo 無線視像門鈴 Essential 行貨開箱實測!非國產之選:美國 Arlo 無線視像門鈴 Essential 行貨開箱實測!
    ▲ 如果有人「撳鐘仔」,身為一個稱職的 Doorbell 就會好似 Essential 咁打電話比你,然後你就可以係手機見到係乜水「撳鐘仔」,然後決定係咪要出黎應門;如果你發現係速遞員的話,就可以選擇按下語音回覆,Essential Doorbell 就會自動用英文讀出「Leave the package outside」,意思係叫對方「放下屠刀轉身離開」。

    非國產之選:美國 Arlo 無線視像門鈴 Essential 行貨開箱實測!
    ▲ 再提醒多一次各位準用戶,Arlo 無線視像門鈴 Essential 如果唔訂閱雲端服務,就會無左最好用的雲端錄影功能架啦! 仲有千奇唔好學我咁多手取消左個試用,取消左就無得翻轉頭了。


    結論
    無線智能門鈴類的產品市場上競爭對手繁多,絕大部分都係中國品牌,擁有價格上的優勢,而來自美國 Arlo 無線視像門鈴 Essential 就顯得別樹一格,特別係背後的雲端系統能夠讓本 YK 安心又放心。 我相信不少網友都會問以下呢個問題:到底千幾蚊一個智能門鈴,仲要另外比月費先有爽歪歪的額外功能,值唔值呢? 我從來都唔會問呢個問題,因為我屋企根本唔會有乜訪客......

    但上面肯拍爛檔幫手借出蝸居比我 + 陪我一齊做測試的朋友就大讚特讚 Essential 視像門鈴,佢話自己會成日遇到以下的幾個情況:

    1)當係廁所紮馬聽到有人「叮噹門鈴」,呢個時候只需要透過 Doorbell 見到原來係送 Amazon 包裹;用埋個 App 講句「放低包裹你就可以走人了」,成件事輕鬆又簡單。
    2)同隔離屋鄰舍關係「特別好」,想知道有乜人係日頭返工時候過黎「撳鐘仔」;
    3)屋企有女人單獨留在家中,咁門口有乜動靜都可以透過 App 見到相關的記錄,絕對係一個可靠的保安措施。
    4)冬天係床度唔想專登起身行出去門口睇邊個搵佢。

    所以,如果你好似我朋友咁經常客似雲來,咁 Arlo Essential 會係你最佳拍檔; 但如果你好似我咁屋企個門鐘都生晒鏽,咁就...... 算了......
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁