主題:TCL C725 Android TV 評測!靚芒 + ONKYO 音響 + 合理價

ePrice HK
  • 發表時間:2021-08-31 18:11 收錄檢舉
    電視無人睇?咪玩啦,大台就無人睇。無論係 HBO Go,Netflix,YouTube 定係 ViuTV 重溫,一部 Android TV 有齊晒,手機睇變為大電視,若加埋內置唔錯嘅音響,正啦喂。五十吋夠睇未?七千蚊有找,講緊最近試玩嘅 TCL C725,的確令我好滿意。

    TCL C725 Android TV 評測!靚芒 + ONKYO 音響 + 合理價-0
     

    安裝零難度

    話說版主住係村屋,仲要係上幾層嗰種。電視機送嚟時,我有想過,係咪要畀錢送貨人員,幫手枱上樓?點知貨一到,家陣 50 吋電視機,原來都係好輕身。連埋包裝,我一個人不算好花神都搬到上樓,感覺超爽。

    每次有新電視機到家,最慘都係安裝。我唔係第一次試 TCL 電視機,記得對上一次,安裝嗰陣都煩煩地。今次呢部 C725,再將安裝配件減少,真係上兩隻腳,幾粒鑼絲攪掂。我自命一直都係工藝十分差嘅人,都可以廿分鐘安裝攪掂,放上電視架上,著機即睇,堅快。

    TCL C725 Android TV 評測!靚芒 + ONKYO 音響 + 合理價-1


    TCL C725 Android TV 評測!靚芒 + ONKYO 音響 + 合理價-2
     ▲ 得兩個腳架要裝上電視上面,DIY 裝機,唔難。

    TCL C725 Android TV 評測!靚芒 + ONKYO 音響 + 合理價-3
    ▲ 好好采嘅係,呢部機嘅插線位都係放向左面,跟我本來電視機格局係一樣,所以攞位完全無投訴。再睇睇駁位,50 吋版本有標準 HDMI x 3、USB x 2、光纖音頻輸出、耳機接口。WiFi 部份,支援 2.4G / 5G WiFi。
     

    窄邊框 4K 靚芒

    TCL 電視機,以中國品牌電視嚟講,最出名係嗰芒靚。呢款 50 吋 TCL C725,用上比較護眼嘅 QLED 材質,達 4K 解像度。此外,呢個 QLED 屏幕,仲可以產生 10 億顏色。加上佢支援 HDR10 高動態範圍,做到 100% 色域同亮度,睇電影、煲劇當然靚,打機都足夠應付到。

    TCL C725 Android TV 評測!靚芒 + ONKYO 音響 + 合理價-4
    ▲ 安裝之後,就是呢個樣,金屬邊框機身,簡約有型。

    TCL C725 Android TV 評測!靚芒 + ONKYO 音響 + 合理價-5
    ▲ 官方圖片跟我試嗰陣嘅實機,相差唔大,一樣咁靚。

    TCL C725 Android TV 評測!靚芒 + ONKYO 音響 + 合理價-6
    ▲ TCL C725 電視機做到十分窄邊框,從呢角度....

    TCL C725 Android TV 評測!靚芒 + ONKYO 音響 + 合理價-7
    ▲ .... 定係呢嗰角度,都 feel 到呢部電視機,幾乎是無邊框。

    TCL C725 Android TV 評測!靚芒 + ONKYO 音響 + 合理價-8
    ▲ 講開色,我專登係 YouTube 搵到一條以香港夜色為主題嘅 4K 短片,睇到黑色與彩色之間的對比,十分明顯。 

    TCL C725 Android TV 評測!靚芒 + ONKYO 音響 + 合理價-9
    ▲ 另一段 HBO Go 最新的飲食節目,有簡約嘅廚房,主持著住的衫色彩都算分明。
     

    進步最多是音響

    以前買電視,都知道內置嘅音響輸出好聲有限。要改善,加多一組 Soundbar 是常識。今次呢部 TCL C725 不一樣,除了一定有嘅 Dolby Atom 加持之外,更重要佢拍咗 Onkyo 調整音響效果,加上內置揚聲器。令到今次 C725 喺不需要 Soundbar 嘅補強下,都做夠晒響,夠靚聲嘅效果。

    TCL C725 Android TV 評測!靚芒 + ONKYO 音響 + 合理價-10
    ▲ 電視機下方內置了揚聲器,並得到 ONKYO 加持。

    TCL C725 Android TV 評測!靚芒 + ONKYO 音響 + 合理價-11
    ▲ 內置 ONKYO 音響系統,印上 ONKYO 的標誌以正視聽。
     

    Android TV 系統好好用

    香港有得賣嘅兩大韓國電視品牌,雖然叫做 SmartTV,但唔係採用 Android TV 系統。TCL 全線電視機都採用 Google Android TV 系統,當然包括呢部 C725。用 Android TV 系統好處係,有大量 TV App 用到,基本上,你要睇 Now E、HBO Go、Netflix 、YouTube、黃 Viu、 藍 Viu 甚至是開電視 (用講人話電視 App)  都有齊晒。你仲可以透過 Google Assistant 用廣東話去搵片,報天氣,搵地圖、仲可以下載遊戲,配合自家嘅手掣打下簡單嘅遊戲呀。

    TCL C725 Android TV 評測!靚芒 + ONKYO 音響 + 合理價-12
    ▲ 跟機有兩個遙控,我自己一向用細嘅一個,結合埋 Google 服務,有埋 Netflix 專鍵,非常好用。

    TCL C725 Android TV 評測!靚芒 + ONKYO 音響 + 合理價-13
    ▲  支援 LAN 或 WIFI 連線上網,亦內置 Chromecast  功能,方便把手機畫面射上電視操作。 

    TCL C725 Android TV 評測!靚芒 + ONKYO 音響 + 合理價-14
    ▲ 內置 Google Play Store Android TV 版本,有不同嘅  TV Apps,影視之外仲有 Tune In Radio、Spotify、Youtube Music、Spotify 等等,當佢係串流音樂電台裝置也未嘗不可。
     

    小結:芒靚聲正,價錢合理

    重新一次,小弟唔係 AV 產品編輯,電視機又唔係幾年換到一次,堅無乜點試其他品牌。但 TCL 嘅電視機,呢四年間試咗兩部,今次再試呢部 C725,升級程度很顯著,4K 畫質好好,窄邊框屏幕,輕身試機亦令人很滿意。今次升級最大驚喜是音效,內置嘅 Onkyo 2.1 系統,令我不用再加外置 Soundbar 也有出色嘅音效。

    點講都好,價錢最重要。原來 TCL 嘅電視機,喺特價之後,跟 LG、Samsung 等已係同 Grade 之作,50 吋 4K 屏幕嚟講,賣價相差無幾,比我揀,TCL 用 Android TV 系統,應係一大考慮的優點,始終 App 多啲,亦齊啲。Sony 都係用 Android TV,但同級數唔會七千有找囉。 

    TCL C725 Android TV 評測!靚芒 + ONKYO 音響 + 合理價-15

    TCL C725 賣價 (根據豐澤嘅建議定價,最近仲有三百蚊機價優惠,詳情可以自已去豐澤網站睇睇。若果想知官方網站及其他焦賣點,可以點呢到)

    HK$9,980(65寸)
    HK$7,980(55寸)
    HK$6,580(50寸)

    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁