300 小時超長續航!HyperX 推出勁長氣電競耳機 Cloud Alpha

左定坤 (Cho Ting Kwan) 2022-01-05 21:49 | 數碼影音
相信有唔少人都會用無線耳機,不過好多時無線耳機續航都唔太長,有一日唔記得叉電,用用下聽聽下歌無電都幾無癮。所以話,續航能力真係好重要,當然續航時間愈長,就愈好啦!而今年嘅 CES 2022 大會上,HP 旗下電競周邊產品品牌 HyperX,就推出一款續航長達 300 小時的無線電競耳機 Cloud Alpha,我好有興趣喎!唔知質素又點呢?好想有機會試下呀!

HyperX Cloud Alpha 係一款無線電競耳機,官方表示可以提供到 300 小時嘅電池續航能力,就當 1 日聽夠 10 個鐘,都可以用到一個月,實在好誇張!而呢款 Cloud Alpha 耳機,採用咗柔軟嘅合成皮革以及記憶泡綿,並且用上耐用嘅鋁合金結構設計,同時亦支持 DTS Headphone:X 技術,可以提供親歷其境嘅音效體驗,而且採用咗進階版嘅雙音腔技術以及直徑 50mm 驅動單體,更輕更薄但不影響音頻表現。另外,耳機支持降噪 microphone 功能。

價錢方面,Cloud Alpha 預計在 2022 年 2 月北美上市,定價為 US$200,折合港幣約 $1559。最後,畀大家睇下呢款耳機嘅外觀啦!
   
 

最新新聞