小米路由器 Mini 、小米 16000mAh 外置電池 12 月 16 號正式開賣！定價 $169 抵唔抵？
聰明既網友應該估到，小米今日公佈既 Mini 新產品就係小米路由器 Mini ，定價 $169 的它是支援到 2.4GHz 與 5GHz 的 Wi-Fi 頻段，亦支援 802.11 a/g/b/n/ac 制式，係呢個價錢買得到實在係性價比十足。相對於黃金廣場入面炒價接近 $300 ~ $350 ，香港的小米路由器 Mini 官價足足平一半，亦和大陸的定價差不多，最緊要就係呢個路由器相當慳位，又可以插外置 HD 當家用雲端空間，香港仲未公佈小米路由器幾時賣，會唔會有網友想入手一部 Mini 版玩住先？至於另一樣產品就係唔少網友問既小米 16000mAh 外置充電池，定價 $169 大家覺得算唔算貴？呢粒外置電池重量達到 350g ，實在都相當有「份量」，不過勝在有雙 USB 輸出，可以同時充兩部機。其實而家 10400mAh 版本賣緊 $89 ，重量 250g 又唔使搶會唔會更加抵玩呢？
想入手小米路由器 Mini 或者小米 16000mAh 電池？大家可以留意 12 月 16 號小米會舉行一個小米聖誕季， 12pm 與 8pm 都可以免預約購買，不過當然就係要「搶米」啦！如果想入手既話就要係果日係電腦面前準備好啦！
▲小米路由器 Mini 與小米 16000mAh 行動電池都是賣 $169 ，大家覺得係咪抵食夾大件？