雙 4K 觸控「叼芒」:移動剪神 ASUS Zenbook Pro Duo 試玩實測

YKer 2019-10-16 13:46 | 電腦硬件
本年度中發佈的 ASUS Zenbook Pro Duo 確實走在時代的尖端,發佈會當日就知道呢部野肯定係專門爲多媒體朋友而生:雙 4K 觸控屏幕的筆電市面上有幾多部? 香港正式開賣後都有唔少 Media 朋友話對呢部機頗有興趣,本 YK 終於都實機到手,可以同大家分享下試玩實測啦!

fb.jpg

開箱!
早年蘋果電腦搞出一個 Touch Bar 設計,聲稱可以加強多媒體製作時的應用功能。 老實講,條 Bar 幼過乜咁邊度實用? 當時某版主都話加多一個 Touch 芒就實用喇! 估唔到無幾耐 ASUS 就搞出呢部 Zenbook Pro Duo 筆電。「你好,邊位係 YK 大大,請簽收!」

photo6140897742961092836.jpg
▲ 黑箱的作業,總係低調而實際~

photo6140805469883705773.jpg
▲ 到手的版本係 UX581G 型號,列出重點規格資料。主呀,係「埃狗處理器」啊 ~

photo6140679064701217001.jpg
▲ 大盒裏面有兩個細盒,左邊我估係火牛 、右邊我估係筆電本體。

photo6140679064701217002.jpg
▲ 大型火牛磚過磅達 815 克,給予本 YK 無比的安心。

photo6140805469883705774.jpg
▲ 畢竟要推 i9 級處理器和 RTX 2060 獨顯,呢個 230W 的火牛其實可以再比高少少 W 數都唔怕浪費。

photo6140679064701217003.jpg
▲ 全金屬電藍外殼非常型仔,隨機送你一條手腕托,還有一個 ASUS Pen 觸控筆,已跟埋一粒 AAAA 電池比你用。

photo6140805469883705778.jpg
▲ 全金屬外殼的機身達 2.4KG 重量,要考慮到高性能和特殊功能,重量也不算重。

photo6140679064701217007.jpg
▲ 底部非常簡潔,左右對稱的開孔看起來比較舒服;最矚目的是有兩塊很大的防滑墊。

photo6140679064701217008.jpg
▲ 真心好大塊防滑墊,值得一讚!

photo6140679064701217009.jpg
▲ 獲得 harman kardon 的聲效認證;外放喇叭聲音亦相當厚實。

photo6140679064701217010.jpg
▲ 機底邊框大玩菱角斜邊設計,除了視覺可以減薄厚度觀感(其實機身只有 2.4cm 厚),也完全可以 FIT IN 手腕托。

photo6140679064701217011.jpg
▲ 機身右側有一個 USB3.1 Gen2 接口、散熱風口、支持 Thunderbolt 3 的 USB-C 接口和 3.5mm 耳機接口。

photo6140679064701217012.jpg
▲ 機身左側就是電源接口、HDMI2.0 輸出和另一個 USB 3.1 Gen2 接口,同邊也設有散熱孔。

photo6140897742961092838.jpg
▲ Zenbook Pro Duo 採用隱沉式轉軸,估唔到都可以輕鬆做到單手開合!

photo6140897742961092842.jpg
▲ 這就是最大的開蓋幅度,屏幕邊沿形成的 「V 字」支撐設計,除了加強底部和後方散熱效果外,適當的傾斜度也有助提升打字時手指的舒適度。


最大化利用率
有好多網友未必明白呢個小標題的意義,本 YK 多年來都提出過一個疑惑,爲何筆記本鍵盤和觸控板附近會有咁多空白位置浪費,無人想到要利用這些空白位嗎? 結果,ASUS 就想到重新排位並加入多功能觸控屏幕,增加面板的最大化利用率。

photo6140897742961092839.jpg
▲ 噔噔! 兩個屏幕都係 4K 解像度,都支持觸控屏幕,正到出水啊~

photo6140805469883705783.jpg
▲ 大屏幕係 15.6 吋 OLED 觸控屏幕,4K 解像度配合 100% DCI-P3 色域,提供 178 度超廣可視角度;而細的 ScreenPad Plus 是 14 吋 UHD 抗眩光磨砂屏幕,同樣支持觸控和 178 度可視角度。

photo6140679064701217016.jpg
▲ 全尺寸背光鍵盤擁有 1.4mm 鍵程,右邊的觸控板其實也是數字鍵;呢個鍵盤非常好打,打落去面板框架穩定不浮,鍵程深度適中,反饋感實在,爽!

photo6140897742961092844.jpg
▲ 直向的觸控板非常破格,左上角圖示可以快速召喚計算機;右上角圖示係切換數字鍵盤。

photo6140897742961092843.jpg
▲ 開數字鍵盤後會有顯出數字燈,好鬼型; 但要注意佢係觸控板黎,所以盲打 NumPad 的技術難以在此機上實現。

photo6140805469883705775.jpg
▲ 由於 Zenbook Pro Duo 的鍵盤設計往下移,手腕托就成爲了一件必備的工具。

photo6140679064701217017.jpg
▲ 配落去機身就係呢個樣,但本 YK 覺得如果你手掌大手指長,其實都唔需要加個托,一樣操作舒服。


▲ 如果你覺得部機的鍵盤傾斜度不足,打落去唔得就手? 香港 ASUS 都好有心,每部機都特登再送多一個摺疊式防滑支架,我使用過穩定性算唔錯。

photo6140897742961092841.jpg
▲ 觸控筆比較有趣,你在 ScreenPad Plus 上操作,結果會 MIRROR 左係主屏幕上,十足數碼畫板咁。 適合製圖畫畫的朋友們,可惜本 YK 唔係呢類專業人士。


叼芒有乜好用?
螢幕擷取畫面 (1).png
▲ 呢個屏幕截圖很有趣,會一次過 CAP 晒兩個芒的畫面。 你當真係有兩個獨立的屏幕上下擺放,只不過 Zenbook Pro Duo 放得好近黐埋一齊,咁樣容易理解少少。

螢幕擷取畫面 (3).png
▲ 可以隨時拉出快速清單,你可以擺放常用程式,例如瀏覽器、聽歌程式等。

螢幕擷取畫面 (4).png
▲ 呢個 ScreenPad Plus 擁有獨立亮度和功能設定。 

螢幕擷取畫面 (5).png
▲ 包括快速排列視窗大小。

螢幕擷取畫面 (33).png
▲ 例如你大芒睇緊 ePriceHK 網,拉出 ScreenPad Plus 然後點擊切換鍵。

螢幕擷取畫面 (32).png
▲ 就會自動 FIT 落去另一個屏幕;補充翻,本 YK 呢度將 START MENU 放落細芒。

螢幕擷取畫面 (30).png
▲ 如果你想同時用盡兩個芒? 無問題,拖住個網頁入去圖中的浮動選單(右一按鈕)就搞掂。

螢幕擷取畫面 (29).png
▲ 就可以用盡晒兩個芒黎睇;補充一句,呢度 START MENU 我放落細芒的左側。

photo6140897742961092845.jpg
▲ 上面係本 YK 用 Premiere Pro 剪片時,利用 ScreenPad Plus 控制時間軸和來源畫面; 主屏幕就專注預覽畫面和素材管理。


▲ 好似 Zenbook Pro Duo 的頂級規格剪片就自然順暢,大家可以參考影片中操作雙芒的情況;有觸控果然係特別爽。

8d4b607b-57ab-4b91-a78f-c76ced0cb31c.jpg
▲ 你睇,我係冷氣房開晒佢所有燈,部機真係好型!


各項性能測試
手上試玩的 Zenbook Pro Duo 規格是配備 i9 處理器 + RTX 2060 獨立顯示卡,絕對躋身頂級規格筆電之列!  配合記憶體 32GB 和三星出品的 1TB 高容量 SSD 儲存,滿足移動多媒體工作站的用戶需求。

規格一覽
螢幕擷取畫面 (8).png
▲ 本機採用 Intel i9-9980HK 八核心(16 線程)處理器,擁有最高加速時脈達 5GHz 和多達 16MB 的 SmartCache 緩存。

螢幕擷取畫面 (11).png
▲ 記憶體 32GB 容量,但 CPU-Z 無法正常顯示有關資料。

螢幕擷取畫面 (12).png
▲ 配備獨立顯示卡 RTX 2060 的 6GB 記憶體容量。

開機速度
螢幕擷取畫面 (13).png
▲ 開機後 11 秒進入登入畫面,等待 31 秒就完全載入所有程式。

螢幕擷取畫面 (14).png
▲ 如果不加載其他預設的應用,載入速度可以更快。

綜合性能 
螢幕擷取畫面 (17).png
▲ 在 Novabench 綜合性能測試中,手上的 Zenbook Pro Duo 獲得 3224 分;各位網友亦不妨參考細分測試結果;後續會有詳細測試。

SSD 測試
螢幕擷取畫面 (19).png
▲ 有 1TB 的 SSD 固態硬碟(PCIe x 4),在多媒體作業上的容量和速度,具備了一定的優勢。

螢幕擷取畫面 (18).png
▲ 連續讀寫結果中,Zenbook Pro Duo 獲得 2556mB/s 和 2330mB/s 佳績;但多工隨機讀寫 (4K Q32T1)的速度只有 296mB/s 和 323mB/s。

CPU 處理器性能
螢幕擷取畫面 (21).png
▲ 在 CINEBENCH R20 版測試結果中, i9-9980HK 單核心獲得 443 分;煙條果然係單春保至尊 ~

螢幕擷取畫面 (22).png
▲ 至於多核心的表現亦獲得 3612 分,已經係凡間的強者;而 MP Ratio 亦到達 8.15X 符合八核心的應有表現。

GPU 圖像處理性能
螢幕擷取畫面 (23).png
▲ 顯卡 RTX 2060 是 Nvidia 在 2019 的 Turing 架構產品;顧及散熱和性能的平衡,移動多媒體機採用 RTX 2060 是一個不錯的選擇;在 BasemarkGPU 標準測試中,4K Vulkan 1.0 測試中得到 4868 分。

螢幕擷取畫面 (24).png
▲ 而在 4K DirectX 12 測試中獲得 4786 分。

電力續航測試
螢幕擷取畫面 (25).png
▲ 內建 8-CELL 電池電池製造商一列寫上 ASUSTek,而容量只有 71Wh 左右。

螢幕擷取畫面 (28).png
▲ 利用 Imtec Battery Mark 進行測試,充滿電後調整至省電模式,屏幕亮度調至最低;軟件會進行 FULL LOADING 滿載耗電測試,最後計算出一般使用情況下預計的續航時間。

螢幕擷取畫面 (27).png
▲ 在歷時 1 小時 43 分鐘的測試中,Zenbook Pro Duo 在剩餘 2% 電量時就自動關機;測試結果:預計一般試用時間達 10 小時,超過官方預計的 7.5 小時,也否定了本 YK 「i9 普通用都會倒水~」的猜想。


特殊配件
photo6143194386528315587.jpg
▲ 開箱時看到有一塊這樣的東西,不知道有什麼用途,所以我想 ASUS 官方查詢。

photo6143057269697390889.jpg
▲ 原來係一個定製的摺疊托架黎,據說係香港行貨會送的 ~

photo6143365399241140401.jpg
▲ 透過磁力扣摺疊起來形成支撐,呢舊野本身表面質感已經是防滑膠面;再托高有兩個好處:散熱空間更大、鍵盤傾斜度更明顯。

ASUS Zenbook Pro Duo 試玩短評



總結:多一個芒、多一分效率
Zenbook Pro Duo 的高性能固然吸引:旗艦級 i9 處理器配合 RTX 2060 獨顯,又有大容量 SSD 和多 RAM 的配置;精細的機身設計、穩固的金屬造工亦讓我對佢大大加分,可以說是美觀和實力並重。但最令本 YK 讚歎的自然是雙芒設計,一上一下的顯示組合有效加快多媒體相關的作業處理效率! 工具區、作業區、顯示區等擁有更大的調整空間和自由度。

如果是以移動影片或者圖像處理為目的,市面上所有單屏幕的筆電難以匹敵 Zenbook Pro Duo 的雙芒觸控設計,仲可以玩埋觸控筆,從來都係多一個芒就多一分優勢! 當然我貪心少少,如果兩個芒都係磨砂就更正~ 學本 YK 的剪片師朋友話:「呢部機真係可以將成個 post-prodution stage 搬出街做。」
 

最新新聞