主題:三星 Galaxy Book Ion 2 開箱實測之「我愛 Intel 11 代核顯」!

  • 發表時間:2021-03-10 09:30
    明明本 YK 一路都係高叫「AMD YES」,點解今次個標題會咁直接同 Intel 示愛呢? 令到我重新「食煙」(用 Intel 處理器的暱稱)的原因好簡單:就係實測結果令我相當驚喜,而且一個無貨一個有貨,咁梗係買有貨啦! 今次三星 Galaxy Book Ion 2 採用換 U 不換殼,沿用第一代好評如潮的外觀,而且造工更成熟,亦更換成第 11 代的 Intel 移動處理器,測完結果就變成「我愛 Intel」。  一齊睇開箱實測啦 ~

    三星 Galaxy Book Ion 2 開箱實測之「我愛 Intel 11 代核顯」!

    開箱
    係開箱之前,本 YK 強烈建議大家先點擊閱讀上一代 Samsung Galaxy Book Ion 的評測,因爲外殼模具新一代的 Book Ion 2 同舊代係一模一樣,只係配色和用料上有不同。另外,值得留意當時所採用的 Intel 10 代處理器。 今次黎到 Galaxy Ion 2,本 YK 將會以同樣方式進行評測,等大家對 Book Ion 兩代之間的差異有清晰的了解。到底新一代內涵上的升級有幾大呢? 今次本 YK 手上的 Book Ion 2 同樣係 13.3 吋屏幕版本。

    三星 Galaxy Book Ion 2 開箱實測之「我愛 Intel 11 代核顯」!
    ▲ 純白的外盒依然刻上淡淡的 SAMSUNG 字樣。

    三星 Galaxy Book Ion 2 開箱實測之「我愛 Intel 11 代核顯」!
    ▲ 上一次的珍珠白配色叫做「Aura Silver」,今次係另一種「Mystic White」霧光白,但我個人會覺得「仙氣白」會更貼切。

    三星 Galaxy Book Ion 2 開箱實測之「我愛 Intel 11 代核顯」!
    ▲ 配件簡單,火牛 + 卡針 + 說明書 + 保養證; 值得留意係三星爲 Book Ion 2 繼續提供 1 國際 + 1 本地合共兩年的保養。

    三星 Galaxy Book Ion 2 開箱實測之「我愛 Intel 11 代核顯」!
    ▲ 原裝火牛只支持 19V/3.42A 輸出模式,亦與上代一樣並非 USB-C 火牛。


    機身佈局
    三星 Galaxy Book Ion 2 開箱實測之「我愛 Intel 11 代核顯」!
    ▲ 仙氣白黎了,磨砂面的金屬外殼質感相當爽,特殊物料塗層可以杜絕指紋印; 而且同上一次測試的舊代不同,踢走幻彩流光變化的塗色,睇落去變得更加清純 ~

    三星 Galaxy Book Ion 2 開箱實測之「我愛 Intel 11 代核顯」!
    ▲ 連機身底部都跟上代一樣,保持簡潔和對稱的佈局,保留單一條碼式抽風口設計。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 機身底部四角各設有一粒防滑膠。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 值得本 YK 大力、高度、真心讚賞的係 Book Ion 2 堅持 MIV 越南製造,呢個選擇絕對正確。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 機身右側是外放喇叭、兩個 USB 3.0 接口,以及支持 UFS 卡 / microSD 卡的擴充卡槽。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 插針式卡槽可以減低入塵、異物的機率,對記憶卡的保護性亦可以大幅提高。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 機身左側跟上代一模一樣:另一個喇叭、3.5mm 插孔、升級成 Thunderbolt 4 的接口、HDMI 輸出以及電源孔。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 上圖是屏幕最大開啓角度,而過往機身背後的轉軸係藍色,而二代就直接變成白色,成部機外殼都係白色,最適合我呢種又 PURE 又 TRUE 的用戶。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 下沉式轉軸的好處當然係能夠提供一定傾斜度,讓鍵盤打字時候更自然;但 Book Ion 2 的轉軸邊沿係無額外的防滑膠,如果放係玻璃檯面會比較滑。


    內部佈局
    三星 Galaxy Book Ion 2 開箱實測之「我愛 Intel 11 代核顯」!
    ​▲ 一樣採用 13.3 吋超級亮麗的全高清 QLED 屏幕,好 Sharp 好好睇。

    三星 Galaxy Book Ion 2 開箱實測之「我愛 Intel 11 代核顯」!
    ▲ 睇翻官方的描述,本 YK 高度懷疑同舊代係同一塊屏幕,依然獲得 VDE 認證 100% 色域空間,亦都有獨立開關額外增加亮度的「戶外顯示模式」;好的設計其實只需要保留就好了,包括 Book Ion 2 呢個超窄邊框的方案。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 遺憾地,一模一樣的模具代表缺點都會帶埋落黎:散熱出風口同樣位於屏幕下方,如果要長時間進行高負載工作,例如剪片工作的話,長噴熱風會影響屏幕的壽命。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 鍵盤佈局係一模一樣無變動,但指紋識別器就「去藍化」,踢走藍色變白色,統一整體「仙氣白」風格。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 指紋識別器解鎖爽快好用,但更重要係 11th 處理器? NO,隔離 iRis Xe 核顯單元先係令我期待又開心。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 機身左右兩側的 5W X 2 喇叭依舊獲得 AKG 調音認證。

    三星 Galaxy Book Ion 2 開箱實測之「我愛 Intel 11 代核顯」!
    ​▲ 順滑的大面積觸控板一樣支持 Qi 無線充電,手機放落去就自動充電; 而背光鍵盤手感依然輕巧,打字毫不費力,非常適合女士 / 長時間輸入的操作。


    各項性能測試 
    規格一覽
    三星 Galaxy Book Ion 2 開箱實測之「我愛 Intel 11 代核顯」!
    ▲ 手上的 Book Ion 2 採用最新 i7-1165G7 第 11 代 Intel 處理器,雖然同上代一樣只係 4 核心 8 線程設計,但就改用 10nm SuperFin 光刻技術,而且增加到 12MB Smart Cache 快取記憶體。
    三星 Galaxy Book Ion 2 開箱實測之「我愛 Intel 11 代核顯」!
    ▲ 內置 16GB LPDDR4x 記憶體;我從不同渠道複檢過好多次,不論是 CPU-Z 和 AIDA64 都顯示記憶體係採用更快的「Quad Channel 四通道」模式,並非一般的「雙通道」。

    三星 Galaxy Book Ion 2 開箱實測之「我愛 Intel 11 代核顯」!
    ▲ 最值得關注的當然係踢走祖傳 UHD 核顯,改用全新 Intel iRis Xe 核顯單元,後面有性能測試。

    開機速度
    三星 Galaxy Book Ion 2 開箱實測之「我愛 Intel 11 代核顯」!
    ▲ 開機只需要 7 秒就完成系統啟動,再過 17 秒時間就完成載入,啓動速度是很快。

    綜合性能
    三星 Galaxy Book Ion 2 開箱實測之「我愛 Intel 11 代核顯」!
    ▲ 在 Novabench 綜合性能測試中,Book Ion 2 獲得 2111 分,對比上一代只有 1652 分,高下立見;對比分數後發現,不論是 CPU、GPU、RAM 及 SSD 表現,Book Ion 2 都一律大幅升級。

    SSD 測試
    三星 Galaxy Book Ion 2 開箱實測之「我愛 Intel 11 代核顯」!
    ▲ 照樣配備 512GB 的 NVMe SSD 固態硬碟,但就更換成自家 NVMe SSD,而且今代所採用的是 PCIe 4.0 制式,所以大家見到不論是頻寬和速度都比之前大和快。

    三星 Galaxy Book Ion 2 開箱實測之「我愛 Intel 11 代核顯」!
    ▲ 在連續讀寫結果中,Book Ion 2 獲得 6346mB/s 和 4420mB/s 的成績;而多工隨機讀寫 (4K Q32T1)達 398mB/s 和 364mB/s 速度;呢個升級可以話係「大躍進」,嚴重拋離上一代的讀寫表現,特別是連續讀寫速度快幾倍!

    CPU 處理器性能
    好多人都問 Intel 第 11 代 Mobile 處理器到底係咪真係有進步? 進步有幾大? 之前 Intel 10 代所謂的升級嚇死好多用戶,「擠牙膏」都唔知有無擠多 1% 的性能升級。 黎到第 11 代的 i7-1165G7 又如何? 

    而根據之前 Intel 所提供的資料,其實 i7-1165G7 有兩個版,一個係閹割 15W 省電版,一個係 28W 滿載版,但 OEM 廠商可以自行調整當中的功耗性能。我都會專登跑翻 Cinebench R20 比大家做對比參考,但注意當中 Cinebench R23 的分數結果無法和 R20 舊版進行對比。

    三星 Galaxy Book Ion 2 開箱實測之「我愛 Intel 11 代核顯」!
    ▲ 先講 Cinebench R23 版測試中,Book Ion 2 的 i7-1165G7 單核心獲得 1025 分,留意其他跑分結果,不論是 15W 或 28W,單核心分數均好過我手上呢部 Book Ion 2,而且分差達 3 至 5 成咁多。

    三星 Galaxy Book Ion 2 開箱實測之「我愛 Intel 11 代核顯」!
    ▲ 而多核心表現獲得 3823 分,分數稍好於 15W 的結果,但對比 28W 測試結果,分數輸接近 3 成咁多;我猜測是因爲考慮到 Book Ion 2 超輕薄的機體,並沒有太大的空間配置更大或額外的散熱風扇,因此出廠時官方可能就決定幫佢調整成預設開唔足火力。

    三星 Galaxy Book Ion 2 開箱實測之「我愛 Intel 11 代核顯」!
    ▲ 我地再睇埋 Cinebench R20 的測試結果,i7-1165G7 單核心 418 分、多核心 1351 分;對比翻上一代分別係 300 分和 997 分,哪怕三星出廠壓制功耗都好,可以見到 Book Ion 2 性能提升得相當明顯。

    GPU 圖像處理性能
    三星 Galaxy Book Ion 2 開箱實測之「我愛 Intel 11 代核顯」!
    ▲ 本 YK 係上面一路讚話 11 代核顯 GPU 單元令人有驚喜,有幾大驚喜呢?在 Basemark GPU 標準測試的 4K Vulkan 1.0 測試中得到 1132 分;對比上一代垃圾 UHD 620 核顯不到 400 分的表現,圖像處理性能係倍級提升!

    三星 Galaxy Book Ion 2 開箱實測之「我愛 Intel 11 代核顯」!
    ▲ 而在 4K DirectX 12 測試中獲得 1186 分,睇黎 Intel 今次終於可以一掃過往 GPU 頹風;亦意味住三星 Book Ion 2 會有超級大的 GPU 性能提升,簡單執相剪片絕對無難度。

    電力續航測試
    三星 Galaxy Book Ion 2 開箱實測之「我愛 Intel 11 代核顯」!
    ▲同上代一樣 Book Ion 2 聲稱內建 69.7Whr 超大電量,亦係三星自家出品的電池;而效能強大左咁多的情況下,一般續航力會弱過上一代的。

    三星 Galaxy Book Ion 2 開箱實測之「我愛 Intel 11 代核顯」!
     ▲ 但係 Full Load 測試竟然可以跑出超過 9 小時成績,比舊代多出半小時! 意味住Book Ion 2 續航力會比上一代更加好,但舊代續航力本身已經夠黐線......

    三星 Galaxy Book Ion 2 開箱實測之「我愛 Intel 11 代核顯」!
     ▲ 而利用 Chrome 做播放指定的 720p 解析度 Youtube 影片恆常測試中(亮度最暗、WiFi 附近); 過了一小時後 Book Ion 2 還有 95% 電量,也就是睇 Youtube 可以睇到接近 20 小時先無電,真係你訓著部機都未訓著呀!


    總結
    我對 Book Ion 第一代的描述「樣子美麗又持久」,黎到第二代 Book Ion 2 就變成「樣子美麗又持久,效能更強速更快」。

    三星最近幾年相當積極佈局筆電市場,次次出超薄機都係樣子型又靚,上代 Book Ion 唔少女網友都「心心眼」佢纖薄但不失堅固的外殼,而 Book Ion 2 延續之前靚爆的外觀設計外,係配色上改爲更統一的純白色調,我攞住出街都覺得自己後生左靚仔左。上一代的優點繼續 KEEP 翻係度,例如 13.3 吋屏幕得 970 克輕巧機身重量,擴充 I/O 接口依舊全數獲得保留。最關鍵係換入性能大幅度升級的 Intel 第 11 代處理器,仲手換埋讀寫速度更快的 NVMe SSD 固態硬碟比你。

    如果你本身手機是用三星的話,Book Ion 2 亦保留全套 Samsung 無縫體驗,例如 Samsung Note 一次過同步晒手機、平板、電腦的資料,亦完美支持筆電操作手機。而學生妹最需要的錄音筆記功能,Book Ion 2 都保留晒係度。 仲有一個值得大家關注的獨家預先載軟件 Studio Plus,好簡單就將大量相片、加入音樂、特效玩簡單剪片,隨時製作小影片分享比朋友就簡單得多。

    價錢方面 Book Ion 2 代 13.3 吋 i5 版和 i7 版分別係 10800 元和 12980 元,UPGRADE 晒內涵比你但香港 Samsung 竟然無加過價。 而且截稿時,我仲係官網見到做緊限時送 1 年的 Office 365 個人版訂閱同埋一個電腦保護套的優惠 ~
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁