半價 $200 有找 入手 Azuor AI 智能翻譯機

左定坤 (Cho Ting Kwan) 2021-07-13 18:43 | 電腦硬件
以前未有疫情之前,版主我都不時會想去下旅行,而有時去到其他唔係講中文英文嘅地方,難免會出現語言不通嘅問題,嗰陣就已經好想買部翻譯機返嚟玩下。可惜啦,而家因為疫情,想去旅行都無得去,呢啲翻譯機就唯有減價清貨啦。無得去旅行,都至少仲可以同屋企工人姐姐溝通用嘅。半價 $200 唔使有交易,你又有無興趣入返部呢?睇下文啦!

FB

講緊嘅係衛訊,上星期就同大家分享過,就話佢哋趁住消費券推出之前,同大家做個熱身,將一系列產品減價,優惠低至 25 折。當中分享過 $49 有 10000mAh 尿袋,都算係好抵玩。而除咗之前分享嘅優惠產品之外,即日起至 7 月 21 日,佢哋仲加推新嘅產品,佢就係 Azuor AI 智能翻譯機,只要用四大電子支付平台,包括 Tap & Go、八達通、AliPay HK、WeChat Pay HK 消費,購買 Azuor AI 智能翻譯機低至半價,由原價 $399 減至 $199,呢個價錢唔知網友又覺得抵唔抵呢?雖然而家無得去旅行,但平平地買定部返屋企,準備下都無妨。你哋點睇?

按這裡可以了解詳情

最新新聞