主題:Bluray 碟機只值 20 蚊?Xbox One S All Digital 上市賣 $1,980

  • 發表時間:2019-05-01 09:59 收錄檢舉
    早前發表的 Xbox One S All Digital 遊戲主機,確認會在 5 月 7 日於香港上市,Microsoft 香港將之稱為數碼版 Xbox One S 主機。昨日收到新聞稿後,版主虎仔當堂嚇一跳,然後得啖笑,原因係被 Microsoft 視為 Xbox One 家族最超值之選,這部沒有光碟機的數碼版 Xbox One S 定價竟然高達 HK$1,980。

    Bluray 碟機只值 20 蚊?Xbox One S All Digital 上市賣 $1,980

    全新數碼版 Xbox One S 主機擁有 1TB 儲存,套裝除了有一個手掣,亦會附送一個月 Xbox Live 金會員會籍,以及 3 款不同類型的遊戲,包括《Minecraft》、《Forza Horizon 3》和需備有 Xbox Live 金會員資格才可以玩的的網上遊戲《Sea of Thieves》。Microsoft 在新聞稿中強調 Xbox One 遊戲庫有超過 1,200 款遊戲,用戶可以毋須信用卡都能夠購買,亦毋須擔心存放遊戲光碟或光碟損壞等問題,而且 Xbox Game Pass 可以超值月費玩超過 100 款遊戲。

    Bluray 碟機只值 20 蚊?Xbox One S All Digital 上市賣 $1,980
    ▲ 香港地要買實體碟好難咩?數碼版想二手放售就麻煩好多。

    不過購買數碼版遊戲,價格往往較實體遊戲碟更貴,亦無法輕易轉手變賣,而且這是所有 Xbox One 版本都可以做到的,難怪在數碼版 Xbox One S 發表時就被網民看淡。究竟定價 HK$1,980 有嚇一跳同得啖笑?只要到 Microsoft 香港官方網店看看,《Minecraft - Creators》Xbox One S 1TB 主機套裝正以特價 HK$2,000 發售,就會發現減去可播放 Bluray 的光碟機,原來 Microsoft 都只係咁意減 HK$20。俾多廿蚊可以有埋 Bluray 和 DVD 播放能力,消費者點揀好明顯啦!

    Bluray 碟機只值 20 蚊?Xbox One S All Digital 上市賣 $1,980
    ▲ 《Minecraft - Creators》Xbox One S 1TB 主機套裝特價到 5 月 3 日。

     
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁