去年 3 月發表的 iPad 9.7 (2018) 宣稱主打教育市場,實際上其定價卻吸引了不少消費者,今年在 Apple 舉行發佈會前,Samsung 率先發功,推出配備 10.5 吋屏幕的 Galaxy Tab S5e,美國的定價為 399 美元(折合 HK$3,131)起,有 Wi-Fi 和 4G LTE 版。
Galaxy Tab S5e 有幾多賣點,首先 10.5 吋屏幕係 Super AMOLED 和 2,560 x 1,600 解像度,而且四邊都用上窄邊框,視覺效果唔錯。其次係內置以 USB-C 充電的 7,040mAh 大容量電池,官方表示可以使用 14.5 小時。另外,平板除了用作工作和學習,睇片打機都係主要功能,Galaxy Tab S5e 有 AKG 和 Dolby Atmos 音效。
Samsung 在 Galaxy Tab S5e 引進了 Bixby 語音助理,香港用戶暫時未必常用,但另一 Samsung 獨門功能 DeX 則實用好多,將平板連接電視或大屏幕,唔一定下下帶住 Laptop,工作起來就方便好多。規格方面,配備 Snapdragon 670 處理器、4GB RAM 和 64GB 儲存或 6GB RAM 和 128GB 儲存,預載最新的 Android 9 Pie 系統和 One UI 介面。
機身設計除了窄邊框外,5.5mm 的厚度和 400g 重量亦是另一吸引之處,單手拿著沒有問題,這方面勝過厚 7.5mm 重 469g 的 iPad 9.7 (2018)。前置鏡頭為 8MP,自拍和視像通話夠用有餘,機背則配備 13MP 相機。用戶需要習慣沒有 3.5mm 耳機孔,幸好包裝內附 USB-C 轉插一個,另一敗筆可能就是不支援 S-Pen,這方面則稍遜於 iPad 9.7。指紋辨識設在機側,是否就手視乎用戶習慣,但肯定沒有破壞機身正面的美感。
![窄邊框輕薄機身 ! 三星 Galaxy Tab S5e 評測 窄邊框輕薄機身 ! 三星 Galaxy Tab S5e 評測](https://timgm.eprice.com.hk/hk/pad/img/2019-02/22/68571/uniqlo_3_b0ea8fa2408e13b4b59c8f8bc8f2ab40.jpg)
▲ 雖然比 iPad 9.7 貴,但 Super AMOLED 同高解像屏幕都抵返啦。
![窄邊框輕薄機身 ! 三星 Galaxy Tab S5e 評測 窄邊框輕薄機身 ! 三星 Galaxy Tab S5e 評測](https://timgm.eprice.com.hk/hk/pad/img/2019-02/22/68571/uniqlo_3_17da52dee4d6fc69e95c387b3ed6c0eb.jpg)
▲ Galaxy Tab S5e 使用一體成形鋁合金機身,比起上一代 Tab S4 的跣手玻璃機背好得多。
![窄邊框輕薄機身 ! 三星 Galaxy Tab S5e 評測 窄邊框輕薄機身 ! 三星 Galaxy Tab S5e 評測](https://timgm.eprice.com.hk/hk/pad/img/2019-02/22/68571/uniqlo_3_e55006f1c87ccf3cd56050514d441f0e.jpg)
▲ Galaxy Tab S4 有閃光燈,反而 Tab S5e 冇咗,加多粒 LED 好貴嗎?
![窄邊框輕薄機身 ! 三星 Galaxy Tab S5e 評測 窄邊框輕薄機身 ! 三星 Galaxy Tab S5e 評測](https://timgm.eprice.com.hk/hk/pad/img/2019-02/22/68571/uniqlo_3_77b44bae8655fe5be8801d61726128a1.jpg)
▲ 有 AKG 和 Dolby Atmos 音效加持,配合大屏幕睇片應該唔錯。
![窄邊框輕薄機身 ! 三星 Galaxy Tab S5e 評測 窄邊框輕薄機身 ! 三星 Galaxy Tab S5e 評測](https://timgm.eprice.com.hk/hk/pad/img/2019-02/22/68571/uniqlo_3_8ee9168e1dd22fa4f9c0ab98cb3a10ef.jpg)
▲ 冇咗 3.5mm 耳機孔,用戶一係用 USB-C,否則就用藍牙耳機。
![窄邊框輕薄機身 ! 三星 Galaxy Tab S5e 評測 窄邊框輕薄機身 ! 三星 Galaxy Tab S5e 評測](https://timgm.eprice.com.hk/hk/pad/img/2019-02/22/68571/uniqlo_3_0a65f0b488bf6be9b57a8023b8d86b92.jpg)
▲ 5.5mm 厚度不單止勝過 iPad 9.7 (2018),更加係 Samsung 最薄的 Android 平板。
![窄邊框輕薄機身 ! 三星 Galaxy Tab S5e 評測 窄邊框輕薄機身 ! 三星 Galaxy Tab S5e 評測](https://timgm.eprice.com.hk/hk/pad/img/2019-02/22/68571/uniqlo_3_9a28e1df6bd202c0f15fa196835eb998.jpg)
▲ 重量 400g 單手拎住好輕鬆,屏幕邊框闊度啱啱好,唔會礙眼又好揸手。
![窄邊框輕薄機身 ! 三星 Galaxy Tab S5e 評測 窄邊框輕薄機身 ! 三星 Galaxy Tab S5e 評測](https://timgm.eprice.com.hk/hk/pad/img/2019-02/22/68571/uniqlo_3_3de01b73a6c0cb445a3222244f5c0153.jpg)
▲ 指紋辨識喺機側,花少少時間習慣下相信冇問題。