主題:【購機情報】高性價比!千幾蚊 7 吋「山寨」平板大檢閱!

ePrice HK
    • Eddie http://anserbridge.info
    • 帳號:
    • 發文:2575
    • 經驗:7825
    發表時間:2013-04-26 18:53 收錄檢舉
    有行開腦場的網友都知道,除了大品牌之外亦充斥著不少抵玩的「山寨」平板,雖然很多都不是大品牌,甚至有一些在香港是沒有行貨代理,以水貨形式售賣的,但他們比起常見的大品牌便宜得多,不少講求性價比的網友都會去留意這一類平板。今次版主 Eddie 跑了幾個腦場,找到了幾款性價比不錯的 7 吋平板,快啲 Click 入來睇睇是否啱心水。

    【購機情報】高性價比!千幾蚊 7 吋「山寨」平板大檢閱!
     

    Nexus 7 低清版?  Galaxy  GALAPAD 7 賣 $1,499

    講到 7 吋 Android 平板,唔少網友都第一時間諗起 Google 自家推出的 Nexus 7 ,在推出的時侯以 $199 美金的價格吸引到不少人注意,不過香港只賣 16GB 版,定價於 $2,398 就比外國買到的貴一點了。版主在始創電腦城找到一款與定價 $1,499 平板 Galaxy GALAPAD ,規格也和 Nexus 7 相近,包括使用了 Tegra 3 四核心處理器、 1GB RAM/ 8GB ROM ,而前鏡頭比起 Nexus 7 更高階具有 200 萬像素,屏幕方面也是用 IPS 材質,不過解像度就只有 1024 x 600 ,比起 1280 x 800 的 Nexus 7 低一點。然而它支援 Nexus 7 沒有的外置插卡,也支援 HDMI 輸出,這個價錢下買到 Tegra 3 平板,性價比算是不錯。

    【購機情報】高性價比!千幾蚊 7 吋「山寨」平板大檢閱!
    ▲ GALAPAD 7 運行 Android 4.1 系統,安兔兔的跑分有接近 13,000 分,跟 Nexus 7 差不多,而且機身也是支援藍牙 3.0 的。
     

    3G 上網、支援通話 Pipo U3 Pro 3G 版

    不知道網友會不會喜歡用平板來打電話,無論之前的 ASUS Fonepad 或是即將推出的 Samsung Galaxy Note 8.0 都支援 3G 通話功能,然而就算用不到電話,隨時可以上網都是相當方便的。旺角星際廣場內亦有一款支援 3G 上網、通話的 7 吋平板 PiPo U3 ,而它的規格都是中階的級數,包括用了 7 吋 1024 x 600 的 IPS 屏幕,最大支援 5 點觸控, RK 3600 雙核心處理器,時脈有 1.6GHz 、1GB RAM 和 16GB ROM ,支援最大 32GB 外置插卡,鏡頭方面有 30 萬像素前鏡頭和 200 萬像素主鏡頭,版主試過跑安兔兔的分數大約有 11,000 左右,反應速度也中規中距,場內定價 $1,680 ,大家覺得抵玩嗎?

    【購機情報】高性價比!千幾蚊 7 吋「山寨」平板大檢閱!
    ▲根據版主所知, Pipo 在香港是由鵬勃電子科技代理,想認清是否行貨就要睇清楚上有沒有鵬勃的貼紙,行貨都會有一年保養的。
     

    ICOO iCou 7GT 平板 四核 + 2GB RAM 賣 $1,350 

    想要平價,又想規格好?版主就在旺角電腦中心找到了一台 ICOO 的 iCou 7GT 。這部平板在場內賣 $1,350 ,不過有著 7 吋的 1280 x 800 IPS 屏幕,採用 A31 四核心處理器(就是艾諾 Novo 9 的那顆,跑分和效能可以參考這篇文章)配上 2GB RAM 、內置 16GB RAM 亦支援外置 32GB 擴充插卡,拍攝規格亦相當不錯,有著 500 萬像素主鏡頭,前鏡頭就較為遜色一點,只有 30 萬像素,系統方面運行的是 Android 4.1 ,也有齊藍牙和 HDMI 輸出,以規格上它是 7 吋「山寨」平板中比較出色的一部。

    提提各位網友,旺角電腦城有很多平板都是入口的水貨,版主亦找不到 ICOO 在香港的代理,不過店家說 7 日內有壞包換,亦包 1 年的保養,在購買之前記得問清楚保養的細節了。順帶一提,通常店家入口水貨的話都有機會沒有原生 Android 市場,他們會以附加費的方式幫忙刷 ROM 或者「升級」 Google 市集,版主見過同一台平板刷不同的 ROM 會出現不同價錢,是否值得加錢就真的見仁見智,看看自己需要了。

    【購機情報】高性價比!千幾蚊 7 吋「山寨」平板大檢閱!
    ▲ICOO iCou 7GT 的樣子有點像 iPad Mini ,在外國網站不少網站都說它的表現不錯,而安兔兔的跑分大約有 12,000 分左右。
    網友們,不知道上面三部平板合不合你心水呢?投票同埋留言發表一下意見吧! 投票時間:2013-04-26 ~ 2013-05-27 採用 Tegra 3 既 GALAPAD 7 性價比唔錯,最少粒 U 信得過先! 6 可以通話又可以上網既 PiPo U3 幾唔錯,可以隨時上網、睇片睇漫畫 5 ICOO iCau 7GT 個規格夠強勁,性價比高,我會考慮呢部 17 呢三部都唔係我心水,我認為腦場有更好的選擇(請留言介紹一下) 1 山寨平板?咪搞我!我都係買番大廠出品 60

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2013-04-26 21:56 檢舉
    Eddie Chan說:
    有行開腦場的網友都知道,除了大品牌之外亦充斥著不少抵玩的「山寨」平板,雖然很多都... 恕刪

    其實版主 keith 對「山寨」平板好有興趣,我知版主 Eddie 都係用家,我想問,其實行貨性價比高唔高,售後又得唔得,有無經驗可以 Share 下。

    網友有無好與壞的體驗,我好想知。

    我覺得呢,平板只係用來上下網,WiFi 版本都OK,我對他無手機要求咁高,大家點睇? (要求高會買 iPad 啦 iconiconiconiconiconicon )
    多謝支持 ePrice.HK
    02樓 ▲TOP 回列表頁
    • Eddie http://anserbridge.info
    • 帳號:
    • 發文:2575
    • 經驗:7825
    發表時間:2013-04-26 23:58 檢舉
    我就一定要上網既,因為用 iPhone 分享 Wi-Fi 睇漫畫好慢,呢類機其實放係屋企用都幾唔錯,平平地。
    03樓 ▲TOP 回列表頁
  • 發表時間:2013-04-27 00:33 檢舉
    Eddie Chan說:
    我就一定要上網既,因為用 iPhone 分享 Wi-Fi 睇漫畫好慢,呢類機其實... 恕刪
    大陸個淘寶網有好多,一般都係1000~1300(人民幣)左右,為起黎通常比香港買既便宜少少,講真我未買過,但身邊都有幾個人買左,全部人都話"甘既價錢,ok啦",但有一個部機用左約半年,個屏幕而家出現在幾點約係半cm既直徑既班點,點講呢,總之就係明顯到一眼就睇到既班點啦,係特別淺色既。
    另外想講下,7吋外而家仲有出6吋既,相比7吋細好多,因為係窄邊既pad phone設計,2GB RAM + A7設計既 MTK6579 4核 1.2GHz(AnToTo約 13xxx分) + 720P IPS屏幕 + 雙卡雙待(3G +2G),我而家都考慮緊買唔買黎當PAD PAD用。
     
    04樓 ▲TOP 回列表頁
  • 發表時間:2013-04-27 01:45 檢舉
    Nexus 7 街價應該係 32GB 二千頭
    05樓 ▲TOP 回列表頁
  • 發表時間:2013-04-27 11:58 檢舉
    Iron說:
    全部人都話"甘既價錢,ok啦",但有一個部機用左約半年,個屏幕而家出現在幾點約係半cm既直徑既班點,點講呢,總之就係明顯到一眼就睇到既班點啦,係特別淺色既買... 恕刪

    "性價比高",呢點睇各人觀點囉,我就一D唔覺性價高,因為山寨平板大部份好快壞,尤其是電池壽命及容量作大呢兩處,我之前都有諗過,但睇討論區山寨板好多問題,最後俾多少少買左tab2 7",起碼舊電池可安心用佢兩三年,要diy換電都唔使驚冇零件,反觀山寨板壞左除淘寶外都唔知去邊處搵零件,同時又驚質素仲衰過原先果D

    個人觀點,包括無痛使用(山寨板好多使用問題要解決)、使用壽命等因素,山寨平板性價絕對低過名牌平板
    俾多幾百蚊買大廠品牌無痛使用已經值回票價
    此文章已於 2013-04-27 11:59 重新編輯
    06樓 ▲TOP 回列表頁
    • Eddie http://anserbridge.info
    • 帳號:
    • 發文:2575
    • 經驗:7825
    發表時間:2013-04-27 15:32 檢舉
    digiman說:
    "性價比高",呢點睇各人觀點囉,我就一D唔覺性價高,因為山寨... 恕刪

    呢樣我同意既,如果係之前個代既山寨平板真係問題多多,但我手上有一部今年年頭買既艾諾,到而家都係冇乜問題發生,同埋我買都係會買香港有代理既國牌囉,要維修都知去邊度搵丫麻。順帶一提,我最近試港版既山寨機其實都已經唔使刷 ROM ,玩得幾順下,即將會寫文講第二部山寨平板的。
    07樓 ▲TOP 回列表頁
  • 發表時間:2013-04-27 23:13 檢舉
    我都希望國產機越來越高質量,對消費者係好事,起碼俾到壓力大廠,售價唔敢抬高好多
    08樓 ▲TOP 回列表頁
  • 發表時間:2013-04-27 23:54 檢舉
    digiman說:
    "性價比高",呢點睇各人觀點囉,我就一D唔覺性價高,因為山寨... 恕刪
    Samsung 部 Tab2 真係好平! 相比起三星手機,係好抵用。icon
    多謝支持 ePrice.HK
    09樓 ▲TOP 回列表頁
  • 發表時間:2013-05-01 19:35 檢舉
    自己玩過Ainol 精靈同烈焰, 睇書, 睇片冇問題...打機真係免了

    7吋山寨機, 如果要過千港紙真係要諗諗
    10樓 ▲TOP 回列表頁