▲版主查證過這間店賣的 Ainol AX1 是經代理入貨的，不過大家購買的時侯也要注意一下行貨貼紙啊
Allfine Fine7 Genius $600 有找！7 吋四核平價選擇
以採用四核心的 7 吋平板來說，以前就算是「山寨機」都動輒要 $1,000 ~ $1,500 先有交易，估唔到而家已經可以平到 $600 。版主講既正正係歐風 (Allfine) 的 Fine7 Genius ，場內幾間鋪都做 $599 ，睇怕呢個就係公價吧。當然以呢個價錢，規格就唔會係頂級架啦， Fine7 Genuis 採用 1024 x 600 的 7 吋屏幕，顯示效果相當一般，而它的四核心處理器是和 Ainol Novo 8 的貓頭鷹 1.3 GHz 四核，下圖應該是店員寫錯了，配合 1GB RAM 的它運行 Android 4.1 的時侯流暢度都只是一般，但如果用來瀏覽網頁或者播片、睇漫畫其實還可以，內置容量 8GB 亦可以擴充 32GB 卡，用來睇電影其實都夠了，唔知大家點睇呢？
▲ 如果以官方 $399 人仔的定價來說，賣價 $600 的 Allfine Fine7 Genius 真是有點貴的，不過這是香港保養的行貨，原生已經有 Google Play Store ，而且包一年保養。
1280 x 800 屏幕＋ USB 充電！Bmorn 藍晨 K22 「電腦節價」 $790！
另一部版主留意到的 7 吋平板就是 Bmorn 藍晨 K22 刀峰四核了，雖然場內標榜它就 $999 的「正價」減至 $780 ，不過版主知道場內一直都做這個價錢，不是特別便宜的「優惠價」。如果與上面的 Fine7 Geunius 平板相比，它貴了 $200，不過版主覺得性價比也不錯。原因是它採用了 1280 x 800 的 7 吋 IPS 屏幕，亮度和精細度都非常不錯，它的 1.5GHz 四核心 A9 架構處理器是運行不到安兔兔的，不清楚效能如何，但配合 1GB RAM 下的流暢度版主覺得還是一般而已，也是上網、睇片用的平板吧。對於這部機，不得不提的是它的支援性很不錯，除了有 Micro-HDMI 輸出，原生 8GB 的容量也可以擴充 32GB 記憶卡，最重要的是它是支援 USB 充電的，版主手上兩個外置電都可以順利充到它，對於經常要外出使用的網友來說會比較方便吧。
▲基本上黃金腦場賣 藍晨 K22 都在 $780 左右了，不過這個價已經做了一段日子，不必擔心「優惠期」會過。
Ainol AX1 新貨到港！ 平玩 7 吋雙卡雙待
明明 Lenovo 這個中國牌子已經經常被網友嫌棄了，版主留意到它們的 A3000 也有「山寨版」出現了。版主所指的就是今日番貨的 Ainol AX1 平板，它的規格和 A3000 幾乎完全一樣，包括 7 吋的 1024 x 600 解像度屏幕、 MTK MT8389 1.2GHz 四核心處理器、 1GB RAM 、500 萬像素主鏡頭和 200 萬像素前鏡頭，不過內置容量就只有 8GB 而已，電池也比 A3000 略少得 3000 mAh ，價錢方面官方價是 $1,399 ，但場內亦見到有鋪賣平 $100 ~ $200 。不過睇這部機的網友有兩點要留意：第一這部機是新番的，版主亦有留意到有鋪仍然賣緊水貨，所以大家入手之後要查清楚有沒有行貨代理的貼紙和保用證；另外這部機的上網速度只有 7.2 Mbps ，比起 A3000 的 42Mbps 慢得多啊
。
▲ Ainol AX1 的規格和 Lenovo A3000 很接近，不過價錢便宜接近 $600 ~ $800 ，大家會唔會考慮呢？
唔知睇完上面幾部機，大家搵唔搵到心水既機呢？定係大家鐘意 8 吋至 10 吋既平板多啲？版主亦在場內搵到一些性價比不錯的四核 10 吋平板，想知道邊幾部抵玩就要留意 ePrice.com.hk 的更新啦！