▲馳為 VX3 在場內賣 $1,500 起跳,有著八核 + 2GB RAM ,仲有 7 吋 1920 x 1200 解像度既 IPS 屏幕,就差沒有 4G LTE 啦
國牌平板新貨到!馳為 VX3 真八核平板賣 $1,500 !
其實馳為 VX3 這部平板才剛剛在大陸發佈,好快就已經有貨黎到香港,遠看版主還以為是 Oppo Find 7 的變大版哩。這部 7 吋平板採用 1920 x 1200 解像度 IPS 屏幕、 MTK MT6592 1.7GHz 真八核處理器配 2GB RAM ,內置 16GB 容量亦支援外置插卡,鏡頭方面是 800 萬像素主鏡頭和 200 萬像素前鏡頭,不過 3000mAh 就比起 Nexus 7 少 1000 mAh ,在平板裡面算是細的一個容量。與同樣是真八核的 Ulefone U7 相比,它就沒有換電這個優勢,不過就同樣有著雙卡雙待。版主問過這部機是行貨,亦有一年保養。順帶一提, 6 月 25~26 號就是 Google I/O ,傳聞中就會推出採用 Tegra 處理器的 Nexus 8 ,唔知又會唔會將屏幕解像度進一步升級呢?連小米平板都用到 Retina 啦, Google 應該把平板的標準再升一級吧?網友們覺得這部 $1,500 既真八核平板又抵唔抵玩呢?留言講講意見吧!
▲馳為 VX3 價錢由 $1,500 到 $1,600 都有,比起之前講過既 Ulefone 7 便宜 $400 左右,不過規格就很接近,對大家來說是更好的選擇?
▲馳為 VX 3 的外表像是「肥了」的 Oppo Find 7 ,大家同意嗎?