台電 X80h 雙系統平板定價 $899！有 32GB ROM + 可 HDMI 輸出！
邊部平板咁抵玩賣 $899？冇錯又係大陸出品（大家都知道大廠好少出雙系統），就係台電科技的 X80h 。呢部平板係福仁有鋪只賣 $899 ，係版主找到比較平價的 Android x Windows 雙系統平板。唔好以為雙系統就一定會比起單單 Android 平板性價比差，佢採用 8 吋 1280 x 800 解像度屏幕、Intel Z3735F 四核 1.8GHz 處理器、 2GB RAM ，內置 32GB 內置容量並可插卡，相機方面是 200 萬像素主鏡頭與 30 萬像素前鏡頭，內置 5000mAh 電池，規格方面和同價位的 Android 平板差不多（就是相機差了點…），而這是經過駿裕科技代理的行貨，包一年本地保養。可能有網友問入手呢部平板黎做乜？版主 Lawrence 之前同大家試過過馳為 V89 既一個缺點就係冇 HDMI 輸出，而台電 X80h 本身就有 Micro-HDMI ，可以輸出大電視睇片，加上 Windows 的 Chrome 有一個很方便的插件叫 Unblock Youku ，翻一翻牆真是有太多影片源可以睇啦；而版主 Eddie 亦接手過幾部 Windows 平板，以 Z3735F 的速度可以勉強用 Lightroom 去做簡單執相，更不用說內置有 Microsoft Office 365 可以處理文書了。玩 Game 方面亦有無數的 Android Game 可以玩，識玩既話 Windows x Android 雙系統真係一機多用。
另外上次版主同大家提過既馳為 Vi8 場內價錢亦降到 $999 ，同台電 X80h 相比就差在冇 HDMI 輸出，規格可以說是接近完全相同的！價差 $100 但係馳為 Vi8 有幾間鋪都會送埋 Keyboard ，揀邊部就睇個人需要啦。係唔使 $900 既價位下， Android x Windows 雙系統平板係咪抵買呢？大家又講下意見，有使用上既問題都可以留言，因為版主用緊，可以解答一下！
▲台電的 X80h 是版主暫時找到場內最便宜的選擇，只賣 $899 ，Android 那邊已經有 Google Play Store ，亦有包 Microsoft Office 365 ，更重要是有代理一年保養
▲上次版主 Lawrence 同大家開箱時提過的馳為 Vi8 在硬件規格上其實同台電 X80h 很接近，除了 8 吋 1280 x 800 IPS 屏幕，處理器用了支援 64bit 的 Intel Z3735F 四核 1.83GHz 及 2GB RAM ，內置 32GB 內置容量，（支援最大 64GB 記憶卡） 。相機就有 200 萬像素主鏡頭以及 30 萬像素前鏡頭，電池量為 5000mAh 。場內賣價在 $999 ，不過就有鋪會送 Keyboard ，但就少左 Micro-HDMI，大家又點睇呢？