主題:平野冇好! Amazon 數千廉價平板預載木馬! 源頭疑是中國!

ePrice HK
  • 發表時間:2015-11-18 17:16 收錄檢舉
    「Amazon 有部平板好抵喎! 幾百蚊,但個 spec 好正喎!」、「買囉買囉!」...... Amazon 間唔中會有一啲平價嘅手機、平板出售,唔知你會唔會上 Amazon 買電子產品呢? 假如你有呢個習慣的話,咁版主要提一提你,買之前真係要諗清楚、check 清楚。最近外國有調查發現,有數千款在 Amazon 網站上出售的平價 Android 平板原來預載左一隻叫 Cloudsota 的木馬。咁呢種木馬病毒點樣影響到你呢? 版主而家就同大家講下。

    平野冇好! Amazon 數千廉價平板預載木馬! 源頭疑是中國!

    根據外國的研究團隊所言,Cloudsota 呢隻木馬病毒的源頭好大機會係來自中國的,相信今次又會令大眾對中國製造的產品大失信心 (雖然似乎大部份網友本來就對中國產品無咩信心)。Cloudsota 呢種病毒能夠控制你的平板電腦,唔單止會自動喺你嘅平板上安裝一啲廣告軟體,仲會無聲無色地將你電腦入面本身嘅防毒軟件解除安裝。就算你將呢個木馬刪左都無用,當你重新開機之後,隻病毒都係會出現番。

    大部份預載木馬的平板電腦都係一啲無牌子嘅廉價機款。外國研究團隊警告,就算件產品望落去好似性價比超高咁,消費者購買前都一定要加強警覺,因為咁平嘅野始終都會有一定風險。另外,購買之前,最好自己就上網做下 research,睇下有無一啲來自其他使用者的評論,呢啲都可以幫助你避免中伏。

    平野冇好! Amazon 數千廉價平板預載木馬! 源頭疑是中國!
    ▲ 外國媒體整理 10 大預載木馬病毒嘅品牌,大部份都係啲無牌子嘅平板電腦。

    雖然版主我平時都中意貪小便宜,不過如果我見到啲完全無牌子仲要係中國製造的產品,我都一定唔會買。當然,就算有牌子都好,都要睇下呢間公司本身嘅信譽好唔好,講到有品牌嘅平板電腦,個人覺得 ASUS 會穩陣得多。唔知大家有無試過遇過呢類問題呢? 同大家分享一下啦!

    來源:Digital Trends | 自由時報

    立即加入Facebook 專頁,新聞/消息/優惠,最快知。

    01樓 ▲TOP 回列表頁