$999 七吋平板！防濺水 + 可通話
先由相對平價果部平板手機說起，講緊嘅就係 Alcatel PIXI 4 (7)。如果大家仲記得，Alcatel 早前先在香港推出左 6 吋的 PIXI 4，建議零售價 $1399，細舖甚至賣到 $999，雖然規格唔勁，但係用來睇片確實抵玩。時隔四個月，Alcatel 近日再在香港推出 7 吋版本的 PIXI 4，建議零售價為 $999，而深水埗細舖則大約 $940 左右，一知道呢個消息，版主有一刻天真以為，佢嘅規格係同 6 吋版的 PIXI 4 一樣，純粹只係 Size 不同。殊不知，唔講 CPU，PIXI 4 (7) 原來只有 1GB RAM + 16GB ROM，唔能夠同時運行多個程式。不過，睇番 Alcatel 官網，見到原來呢部 PIXI 4 (7) 係支持「Dust and splash proof」，即係能夠防濺水，落雨都唔使擔心。呢部 PIXI 4 (7) 有 4000mAh 大電，但因為無快充，要充滿成部機要大約 4 小時。如果用來作睇片專用機，網友又覺得夠唔夠用？
▲ PIXI 4 (7) 配備了 MTK MT8735D 處理器，內置 1GB RAM 以及 16GB ROM。在外型上版主覺得，PIXI 4 (7) 條邊真係有點粗。
▲ 機背用上左塑膠設計，但摸上手的質感唔係平滑果種，而係比較粗糙。
金屬機身，有 IP52 防水規格！Pop 4 (7) 有 4000 大電！
如果嫌 PIXI 4 (7) 規格真係太過入門的話，可以考慮俾多 $300，即 $1299，入手相對強一點的 Pop 4 (7)。同是 7 吋平板，在外觀上最大不同之處是，POP 4 (7) 並非用塑膠材質，而是金屬機身，感覺上會相對 High Class 少許 （而版主上手試過，佢用嘅金屬一啲都唔 cheap）。另外，POP 4 (7) 亦都支持 4G，同樣可以打電話，最重要係佢有 IP52 防水規格，其實應該可以算係現時最平價的防水 4G 平板手機。POP 4 (7) 配備了 MTK MT8735B，內置 2GB RAM 以及 16GB ROM，採用了 1300 萬像素主鏡頭以及 800 萬像素前置鏡頭，並會運行 Android 6.0 作業系統。佢同 PIXI 4 (7) 一樣都係有 4000mAh 大電，相信續航方面會非常不錯。
Alcatel PIXI 4 (7 吋) 在文章發表時，建議零售價為 $999，按這裡有詳細規格及最新賣價。
Alcatel POP 4 (7 吋) 在文章發表時，建議零售價為 $1299，按這裡有詳細規格及最新賣價。