主題:iPad mini 到港! 專門店: 冷清 旺角: 少量貨 先達: 炒唔起

ePrice HK
    • Eddie http://anserbridge.info
    • 帳號:
    • 發文:2575
    • 經驗:7825
    發表時間:2012-11-02 12:18 收錄檢舉
     今日 Apple 又有新產品登陸香港,就係被稱為「縮水版 iPad」既 iPad Mini,同場還有支援 4G LTE 的新一代 iPad 。每次蘋果新產品開賣都有人排隊炒機,今次 iPad Mini 的情況會如何?現在就由版主 Eddie 帶大家睇睇。

    iPad mini 到港! 專門店: 冷清  先達: 炒唔起!

    Apple Store 抽機制 訂機兩星期到貨
    今早八點半,版主 Eddie 到了又一城的 Apple Store 看看有什麼情況,發覺場面比以往新產品開賣冷清得多,店內客人不足二十位,應該鋪內沒有即場售賣 iPad Mini 有關。 Apple Store 的店員說如果想購買 iPad Mini/第四代 iPad 需要前一天在網上預約,亦需要在收到通知後在指定時間到 Apple Store 取機 (簡單來說又是一次抽獎啦iconicon),不過網上仍然提供訂貨,預約付運需要兩星期。值得留意的是 4G LTE 版本 iPad Mini 亦在十一月底出貨,相信到貨日期差不多,大家可因應自己的喜好選擇。

    同時在又一城的豐澤今天亦見排隊人龍,大約 30 人左右,人數比起以往不算太多。根據排頭位的女士說,今次不需要預早一天排通宵已經可以搶佔第一位,是否今次 iPad Mini 已經排隊黨絕跡?版主再到旺角同大家睇睇。

    iPad mini 到港! 專門店: 冷清  先達: 炒唔起!
    ▲ 又一城 Apple Store 今早非常冷清 可能是因為沒有機賣 不過亦有少數人前來試機

    iPad mini 到港! 專門店: 冷清  先達: 炒唔起!
    ▲又一城豐澤亦見有排隊人龍,不過人數不太多。根據排頭位的小姐說,今次不用通宵排隊。

    豐澤見排隊人龍 百記、蘇寧炒價賣 
    大約十時左右,版主來到旺角西洋菜街,大部份電器連鎖店都沒有人排隊,亦未開鋪。只有在西洋菜街尾的豐澤開賣 iPad Mini 和第四代 iPad ,問過店員,他們說是以正價(亦即是蘋果的定價)賣機,門口見到有約 40 人左右的人龍,當中亦有不少印巴藉人士,場面稍為混亂,亦有警察在場調停,甚至有排隊人士不滿離去。初步問過排隊人士,他們都是衝著 iPad Mini 而排隊,只有少數人打算購買第四代 iPad。

    iPad mini 到港! 專門店: 冷清  先達: 炒唔起!
    ▲豐澤門口場面有點混亂 部份排隊人士不滿離去

    至於其他大鋪方面,十時半左右百老匯和蘇寧鐳射亦開鋪了,在指定幾間鋪頭會開賣 iPad Mini 和新一代 iPad ,不過他們都是以炒價售賣 iPad Mini,分別是 16GB $3,188 、 32GB 3,988 和 64GB 4,788,比起蘋果的定價貴 $600。版主問過蘇寧的店員,他們表示即使有價錢亦暫時沒有貨;百老匯方面表示有少量現貨,如果肯以炒價購買可作安排。不過即使有貨,亦見不到有人排隊購買,炒不炒得起相信亦不用多講了。至於第四代 iPad 方便以蘋果原價開售,店員亦表示有貨,難道可支援 4G LTE 的 iPad 真的無人問津?

    iPad mini 到港! 專門店: 冷清  先達: 炒唔起!
    ▲ iPad Mini 只會在某些鋪有售

    iPad mini 到港! 專門店: 冷清  先達: 炒唔起!
    ▲在蘇寧鐳射的 iPad Mini 價錢,今次以貴 $600 的炒價售賣

    iPad mini 到港! 專門店: 冷清  先達: 炒唔起!
    ▲ 蘋果特約稍售商 New Vision2 到了十點半還未開門 估計不會即場售賣 iPad Mini 

    先達場內收 $2,900 炒得一水
    既然大鋪都以炒價賣機,究竟先達今次炒唔炒得起呢?版主十一點半左右到先達看看情況,發現場外收機已經開工,不斷問途人是否放機。至於場內收機價亦不高, 16GB 的 iPad Mini 回收價約 $2,900,32GB 和 64GB 回收價分別約$3,700 和 $4,300,場內店員亦預計今次炒唔起,原因是蘋果開放網上訂購,用家可以花時間等收機,有貨都打算運上大陸賣,每部機獲利大約只有 $100 - $200 左右,他們都直言今次 iPad Mini「冇乜肉食」,大家亦不需要花時間精神去炒了。

    iPad mini 到港! 專門店: 冷清  先達: 炒唔起!
    ▲先達門口有人不斷「兜客」,見到豐澤膠袋就問價,回收價和場內差不多

    更新:四點開始停收 最好收場平手走
    下午版主再走過先達,發覺如同平日一樣多人,不過見不到很多人放機,問場內相熟店員,原來因為貨源太多,市場已經飽和,現在放售 32GB 和 64GB 的 iPad Mini 最多只能平手離場,而需求比較大的 16GB 也最多賺 $100 左右。炒價方面,商鋪亦不敢開得太高,聞說是因為豐澤有太多正價貨源「頂爛市」。走多兩步,場外亦然有收機客收機,不過亦是以平手收機,版主觀察了一會,都有不少人寧願離場,都不願再冒險了。在此奉勸各位,炒賣市場瞬息萬變,網友們還是小心為上。

    iPad mini 到港! 專門店: 冷清  先達: 炒唔起!
    ▲場外仍然收機,不過都只是平手價格,還說再不放機明天會趺得更低

    小結:iPad Mini 炒唔過 
    今次 Apple 肯開放 iPad Mini 的網上預訂,亦指定兩星期左右到貨,其實十分影響炒賣市場,先達場內店員亦不肯定 iPad Mini 會回收多久,隨時有機會停止回收,大家都是無謂冒險炒機了。至於 iPad Mini 和新一代 iPad 的試玩報告,亦將火速為大家送上,請大家留意!
    網友們打算幾時入手 iPad Mini? 投票時間:2012-11-02 ~ 2012-11-16 早買早享受,比多幾百蚊都要即刻買 6 遲買平幾舊,上網訂機等兩個星期或者等到冇得炒先買 21 得 Wi-Fi 唔夠方便,上網訂 4G 版,反正都係十一月尾到貨 31 對 iPad Mini 冇興趣 唔會入手 149

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Apple iPad Mini (Cellular)
    • 現時售價: 已下市
    • 尺寸: 200 x 134.7 x 7.2 mm / 312 g
    • 系統:iOS
    • 插卡:
    • 螢幕: 1024 x 768 pixels、 7.9 吋 IPS
    • 相機: 500 萬像素CMOS
    • 顏色: 黑/白
    • 處理器:1GHz Apple A5 雙核心處理器
    • 記憶體:16/32/64GB
    • 上市:2012-11-02
      • Apple iPad (Retina 顯示器) Cellular
      • 現時售價: 已下市
      • 尺寸: 241.2 x 185.7 x 9.4 mm / 662 g
      • 系統:iOS
      • 插卡:
      • 螢幕: 2048 x 1536 pixels、 9.7 吋 IPS
      • 相機: 500 萬像素CMOS
      • 顏色: 黑/白
      • 處理器:1GHz Apple A6x 雙核心處理器
      • 記憶體:16/32/64GB
      • 上市:N/A