減得勁過 Back To School ！ csl 推「大學生 大優惠」，抵唔抵玩？
剛剛 csl 係 facebook 就宣佈推出一個「過3爆4必備 大專生買 iPad 即減 $500 」的優惠，內客就係各大專學生到 csl 購買 iPad mini 3 的 16GB 或 64GB 版本可以即減 $500 ，而買 iPad Air 16GB 或者 64GB 版本更加可以即減 $600 ，看起來相當吸引啊！如果對比今年 Apple 官方的 Back To School 學生優惠，係減價幅度上明顯是 csl 會減得更多。因為 Apple 官方都提到選購全新 iPad 最多節省 $160 ，以 16GB WiFi + Cellular 版 iPad Air 2 為例， Apple 的學生價都仍然要 $4728 ，只比原價平 $160 。
▲ 新 iPad 傳聞好有機會係聽晚發佈，而家推出的大學生優惠又能否吸引到大家呢？
但 csl 的大學生優惠又是不是真係算得上抵玩呢？呢點就仍然有討論空間的。由於 csl 係 Facebook 上未有提到大學生 iPad 優惠更詳細資料的關係，版主唯有打電話到 csl 查詢啦！果然，呢個大專生優惠唔只係買機有減咁簡單，原來係需要用家到 csl 上台出 iPad 先能夠享用到減價，而且選用的月費計劃最少要有 6GB ，合約年期都係兩年。換句話講，對於想買 iPad Air 2 或者 iPad mini 3 WiFi 版的朋友來講，其實今次 csl 的學生優惠未必係理想的買機時候啊！最後， Apple 發佈會好快就會開始了，當中有傳言指出 Apple 有意推出有成 12 吋芒的 iPad Pro ，想知新 iPad 會有甚麼新賣點，記得到時要留意 ePrice 啦！
