最後清貨？ iPad mini 3 / Air 2 淨機最多減 $600 你衝唔衝？

Lawrence 2015-10-05 12:43 | Apple

係上月頭 Apple 發佈新 iPad Pro 之前，版主就同大家提到有電訊商為左清貨，就搞左個最多減 $600 的「過3爆4必備 大專生買 iPad 即減 $500 」優惠出來。不過，果次優惠的前提係要上台，計落未必係咁著數。可能因為上次清貨成效不太好，今次網絡商再出招，同樣係最多減 $600 但優惠內容就更吸引，大家又點睇？

不用簽約上台！ iPad 淨機即買即減有無著數？

同樣都係 csl ，不過佢哋今次的優惠內容同上次相比就有明顯分別了！上次的「過3爆4必備 大專生買 iPad 即減 $500 」係需要用家選用年期為兩年，月費計劃最少要有 6GB 的上台計劃，令到吸引力即時細左唔少！今次 csl 講到明叫「iPad 淨機即買即減」，即係只要乎合優惠的基本要求就可以用優惠價買機。


▲ csl 的學生優惠內容而家改左，除左買機有平，上台更會送 Tap and Go 現金儲值額。

係價錢方面，因為係 Apple 發佈會後， iPad Air 2 的售價未有變動， iPad mini 3 Apple 官方就決定抽起唔賣，所以 csl 的優惠係同上次一樣。 iPad Air 2 Celluar 的 16GB 以及 64GB 版本都係減 $600 ，而從 Apple Store 上落左架的 iPad mini 3 Celluar 16GB 以及 64GB 版本都係減 $500 。如果大家感興趣想即買的話，要留意優惠同樣只適用於持有有效學生證人士，同時需要成為the Club 會員。同上次相比，今次 csl iPad 買機優惠因為不用上台，所以點睇吸引力都大好多，大家覺得是否著數呢？一齊留言講講啦！


▲ 價錢同上次一樣都係減咁多。

來源：csl