Targus Grid 耐衝擊隨行袋
首先出場嘅係呢個聲稱擁有軍用規格的耐衝擊隨行袋，能夠為 iPad Pro 帶來最全面的保護功能。外型方面，Grid 擁有前拉鍊口袋，可以方便你放 Apple Pencil、充電線或者其他私人物件。Grid 亦有後袋，可以放 Smart Keyboard 或者其他文件。此外，Grid 配備了一條防滑肩帶，你可以按自己需要調整或者拆除。保護套內有撞擊緩衝橡膠、PU 皮質、記憶泡綿以及 Nyflex 防刮內籠，能夠為手提或者平板電腦抵擋 1.2m 高度跌落的傷害。另外，Grid 亦能提供防水防塵的保護。而價錢方面，Grid 的建議零售價為 HK $428。
3D 保護殼
Targus 亦推出左兩款保護殼，其中一款叫做 3D Protection 保護殼，顧名思義 Targus 將自家的 3D Protection 技術應用到 iPad Pro 保護殼度，表面有清晰可見嘅 3D 稜狀紋，比一般的設計提供更全面的保護，其專為 iPad Pro 而設計的 TPU 托盤，亦可增強衝擊吸收，提供額外的保護。另外，3D Protection 亦能達到防水防塵的功效，而且跟 Grid 一樣，具備軍備規格，能夠抵擋 1.2m 高度跌落時所受的傷害。3D 保護殼的建議零售價為 HK $348。
VersaVu 旋轉保護殼
Targus VersaVu 保護殼具有專利的 360 度旋轉功能，除左能夠讓你自行調整最適合自己的角度外，佢嘅泡綿凹痕亦可讓裝置安穩固定，而且佢仲搭配左聲音導向系統，睇片聽歌嘅時候可以增強音量同品質。另外，呢款保護殼同樣能夠抵擋 1.2m 高度跌落時的傷害，售價為 HK $398。
Targus 一口氣推出左三款達到軍備規格的保護配件，唔知係咪軍備規格加上 iPad Pro 的大屏幕，當我打緊呢篇文章嘅時候，令我聯想起之前網上流傳的搞笑圖，「iPhone 20 」與 「Samsung Galaxy 23」 組成的刀盾組合，只係我腦海中自動將 iPad Pro 取代左 「Samsung Galaxy 23」。唔知大家對呢三款配件有無興趣呢? 不過大前提係，你會買 iPad Pro......
▲ 曾經網上瘋傳的搞笑圖。