ASUS New Transformer Pad 有 2K 屏幕+ Tegra 4 四核!連 Keyboard 價錢兩千有找抵唔抵?
版主行場的時侯留意到場內有平板清貨,而且係 2K 芒的機款。現時去到咁高解像度既可能要數 Google Neuxs 9 、Samsung Galaxy Tab S 系列或者係 iPad Air 啦。場內定價 $1,999 有交易,比起 Nexus 9 仲要平多一千,而且平板仲要連埋實體按鍵的合體 Keyborad 。不過之後版主留意到另一個牌寫「開箱貨」,亦都問過店員其實是陳列品清貨價。雖然呢部 ASUS New Transformer Pad 有個 NEW 字,不過都已經係 2013 年底推出既機款,足足有年幾歷史啦。而家睇番佢規格都唔算落後,包括有 2560 X 1600 WQXGA 超高解像度的 10.1 吋 IPS 屏幕,Tegra 4 四核心 A15 架構 1.9GHz 處理器、 2GB RAM ,內置 32GB 容量,加上平板本身就有 Micro-SD 插槽可以擴充容量,真係唔怕唔夠用。相機方面它內置 120 像素相機以及後置的 500萬像素相機。要留意這部平板本身已經有 7820mAh 電池,加上原裝 Keyboard 可以達到更長的使用時間,之前 Eric 跟大家分享過呢部機可以用黎做文書機,就算同 Windows /Android 雙系統平板比,都唔會輸蝕?定係大家會買場內平價既 Windows 平板呢?留言講講吧!
▲ASUS Transformer Pad 場內清貨價 $1,999 ,不過問過是「開盒價」,應該就是陳列品了。有問過係咪咁多貨全部都係陳列品,店員就沒有正面回答
在文章發佈的時侯, ASUS New Transfromer Pad 定價 $1,999 ,按此看詳細規格與最新賣價。