主題:減到千三唔使,搶唔到 Zenfone2 買唔買 Asus 4G 平板好?

ePrice HK
  • 發表時間:2015-04-09 18:47 收錄檢舉
    自 Zenfone 2 一出以兩千五蚊買到 4GB RAM 兼 5.5 吋 FHD 芒手機為賣點之後, Asus 近來注目度某程度上仲高過 Samsung 同 HTC 呢一眾牌子!係平板方面 Asus 近排都有部份平板價錢頗具吸引力,今次同大家分享的兩部平板,一部千三蚊玩到 4G HD 芒,而另一部連九百蚊都唔洗!唔知呢兩部平板係性價比方面大家又覺得夠唔夠高呢?一齊來睇睇!

    減到千三唔使,搶唔到 Zenfone2 買唔買 Asus 4G 平板好
     

    HD 芒又用到 4G ,Asus Fonepad 7 LTE 而家千三蚊唔使!

    首先介紹的就係之前版主 Eddie 都有提過,由本來定價 $2798 減到千三蚊唔使的 Asus Fonepad 7 LTE 啦。呢部平板係 2014 年推出時賣點就係一部有通話功能又可 4G 上網的 7 吋平板。(因為支援 4G 上網的 7 吋平板其實不算多,大牌子除左 Nexus 就更少了)用而家的眼光來睇呢部平板係規格上難免係有點舊的。7 吋屏幕有 1280 x 800 解像度雖然而家叫不上好但都算可接受,處理器上只得 Intel Atom Z2560 1.6GHz 雙核心配 1GB RAM 同埋 8GB 內置容量對部份朋友來講可能會不夠用。相機方面就係 500 萬像素主鏡頭同 120 萬像素前鏡,電池量就係 3950mAh 。雖然規格吸引力一般,但係 $1280 就買到一部台灣廠牌的 4G 平板,其實某程度都叫做抵啊!唔知大家又覺得呢個價錢點呢?

    4G 版! $2798 買到華碩 FonePad 7 LTE 通話平板
     將左面的 FonePad 7 LTE 拼埋右面的 Nexus 7 2013 年版到,可以見到大細其實差不多。


    九百蚊唔洗平玩 Intel 4 核,效能直逼 S800 Asus Memo Pad 7 算唔算抵?

    今次要介紹跌到九百蚊唔洗的平板就係 Asus 的 Memo Pad 7 啦!呢部平板在 2014 年推出的時候版主 Eddie 就形容為「平價跑分王」,因為 Memo Pad 7 的賣點正正就係第一部支援 64-bit 的 Intel 四核心處理器平板。作為一部平價平板係規格上而家睇返雖然未算出色但都叫做可以嘅,屏幕方面有 1280 x 800 解像度 IPS 芒,處理器就係 Intel Atom Z3745 1.3GHz 四核搭 1GB RAM 同埋 16GB ROM (支援最大 64GB 插卡)。相機以平板來講算係不錯,有 500 萬像素主鏡同埋 200 萬像素前鏡頭同埋有 3910mAh 電池。要講呢部平板最大的不足當然係只得 WiFi 版啦,不過目前場內只係 $899 就可以買到,比起本來 $1498 呢個定價都叫做平左唔少嘅。

    好啦,有關 Asus 平板減價的消息暫時就係咁多,有意入手平價平板的朋友除左「國貨機」之外唔知又會否考慮呢兩部平板呢,留言講講吧!icon

    減到千三唔使,搶唔到 Zenfone2 買唔買 Asus 4G 平板好
    ▲ 除左手機賣價有吸引力之外, Asus 平板憑住優秀的跌價速度,價錢一樣有競爭力。

     

    文章發佈的時侯, Asus Fonepad 7 LTE 賣價 $1280 起,按此看詳細規格和最新賣價。
    在文章發佈的時侯, Asus Memo Pad 7 賣價 $899 起,按此看詳細規格和最新賣價。

    立即加入Facebook 專頁,新聞/消息/優惠,最快知。

    01樓 ▲TOP 回列表頁