ASUS CT100 終於返貨!$1998 入手有 Wacom 筆 ChromeOS 行貨平板

左定坤 (Cho Ting Kwan) 2020-01-07 14:36 | Asus
老實說,版主我自己係無乜點用過運行 ChromeOS 嘅產品,講到 ChromeOS 有幾好,都係聽大師 YK 同版主 Keith 講得多,但要我真金白銀買部 Chromebook 嚟試,未用過真係唔捨得。但當大師 YK 早前推介過一部行 ChromeOS 嘅行貨平板 ASUS Chromebook Tablet CT100 之後,版主自己忍唔住想搵返部玩下,但無奈當時 YK 寫完文之後,極速被清光,搞到我想買,都買唔到。剛才就發現,有網店終於將呢部平板返貨,而且只係 $2000 唔使就有交易,抵買!睇下文啦!

FB.jpg

事實上,點解一直以來都有 Chromebook 可以玩 ChromeOS,我唔買,偏偏係出呢部 ChromeOS 平板,我又走去買呢?其實我原意係想平平地買部好用,兼且又筆嘅平板電腦溫書用 (版主平時收工,有時都會搵啲網上課程自修下,活到老學到老嘛~),就算你買部最平 iPad 返嚟,都仲要額外買 Apple Pencil,加起上嚟都係唔划算。而剛巧呢部 ASUS CT100 標配包埋 Wacom 筆一枝,咁我又唔介意買部返嚟,「順便」感受下 ChromeOS 有乜咁好用。

ASUS Chromebook Tablet CT100 官方建議零售價 $2498,但事實上我不建議在官方入手,有地方平買,你無理由偏走去買貴。說的是 csl. Club Like 網店,將 Chromebook Tablet CT100 以 $1998 出售,而且如果你有 Club 積分,仲有得當錢洗,5 積分 = $1。我本身有部份積分到咗期無咗,得返 815 分,全部將佢變哂錢用,最後用 $1835 成功買咗呢部 CT100。講真,$1998 呢個價錢,喺 csl. Club Like 網店做咗好耐,但一直都無貨,版主一直留意住佢幾時返貨,終於畀我等到,係開心嘅,咪當係平平地自己送畀自己嘅新年禮物囉~ 網友唔知又有無興趣呢?

P.S. 要注意的是,佢寫到明係商業產品,所以要提供工商地址作送貨用途。

按這裡重溫 YK 大師評測
按這裡立即購買 ASUS CT100

螢幕截圖 2020-01-07 下午2.24.21.png

螢幕截圖 2020-01-07 下午2.22.40.png
 

最新新聞