主題:神續航 + 大芒通話平板:三星 Galaxy Tab S7 FE 5G 實測

  • 發表時間:2021-07-25 12:31 收錄檢舉
    早前三星係香港正式引入兩款平板電腦,分別是 Galaxy Tab S7 FE 5G 和 Galaxy Tab A7 Lite,而重點是兩款都具備支持 5G 和 4G 網絡的功能,適合插住數據上網卡四圍的用戶。 而今次本 YK 到手 Tab S7 FE 5G 平板,到底實際性能和使用體驗又如何呢? 一齊睇睇!

    神續航 + 大芒通話平板:三星 Galaxy Tab S7 FE 5G 實測 -0

    前言
    其實 Tab S7 FE 5G (簡稱 Tab S7 FE)正式發佈時,唔少網友都反映定位唔清晰,規格上套入高通 7 系處理器,而原有的 Tab S7 和 S7+ 兩款旗艦平板,有留意去年本 YK 的實測就知道,是一部獲得高度評價的平板產品。 面對兩位出色的師兄,S7 FE 到底有乜優勢亦都係相當令人關注。 

    香港行貨建議零售價 5388 元,你可以理解爲 CPU 降一級,但依舊擁有各種旗艦體驗的「Tab S7+」。 但如果係真正的 Tab S7+ 在細鋪叫價最平亦要 7100 元。 反觀 Tab S7 FE 目前街價已經被壓制在 5000 蚊有找的水平,對於要大芒通話平板的用戶來講,可以話係非常誘人。「採用高通 7 系處理器、真機實際體驗有乜分別?」,呢個問題就成爲我實測 Tab S7 FE 的誘因。 


    真機外觀 
    神續航 + 大芒通話平板:三星 Galaxy Tab S7 FE 5G 實測 -1
    ▲ 設計上沿用 Tab S7 系列的超窄均距邊框的設計,機身擁有超大 12.4 吋的 PLS(比 IPS 擁有更高亮度)屏幕,提供 2560 X 1600 的解析度,色彩通透發色自然,很適合睇相睇片之用,長時間睇文件比較舒適;正前方亦配有一個 500 萬像素 f/2.2 大光圈鏡頭。 

    神續航 + 大芒通話平板:三星 Galaxy Tab S7 FE 5G 實測 -2
    ▲ 一體化金屬外殼造工精細,同時具備 S Pen 磁吸設計;本 YK 手上的是霧光黑版本,港行另有霧光綠和霧光分紅,一律採用頂級的磨砂工藝,揸落去手感真係好正,「磨砂最高!」

    神續航 + 大芒通話平板:三星 Galaxy Tab S7 FE 5G 實測 -3
    ▲ 具備 800 萬像素自動對焦 f/1.9 大光圈主鏡頭,另外鏡頭旁邊提供指向性收音咪。

    神續航 + 大芒通話平板:三星 Galaxy Tab S7 FE 5G 實測 -4
    ▲ 機身邊沿設有天線走位,支持雙頻 WiFi 之外,亦提供 5G 數據和通話功能。

    神續航 + 大芒通話平板:三星 Galaxy Tab S7 FE 5G 實測 -5
    ▲ 凹刻「SAMSUNG」字樣高質感卻相當平實低調。

    神續航 + 大芒通話平板:三星 Galaxy Tab S7 FE 5G 實測 -6
    ▲ 獨立音量鍵和電源鍵,注意 Tab S7 FE 機身並無任何指紋識別器;只能透過人面識別或者傳統的密碼、圖案等進行解鎖。

    神續航 + 大芒通話平板:三星 Galaxy Tab S7 FE 5G 實測 -7
    ▲ 身爲旗艦產品線,Tab S7 FE 同樣獲得 AKG 調音認證;留意機身底部留有金屬接點,支持官方原裝外掛鍵盤功能。

    神續航 + 大芒通話平板:三星 Galaxy Tab S7 FE 5G 實測 -8
    ▲ 上面提及的 AKG 調音,加持機身左右兩個獨立大喇叭輸出,手動開埋 Dolby Atmos 音效獲得更強的環迴立體聽覺效果!

    神續航 + 大芒通話平板:三星 Galaxy Tab S7 FE 5G 實測 -9
    ▲ 機身側面是 USB-C 3.2 Gen 1 的接口,最高支持 45W (另購)的快速充電模式,官方聲稱最快可以 90 分鐘就充滿電。

    神續航 + 大芒通話平板:三星 Galaxy Tab S7 FE 5G 實測 -10
    ▲ 機身內置  nanoSIM 卡槽,擁有流動數據和通話功能的平板,絕對係移動辦公的利器。

    神續航 + 大芒通話平板:三星 Galaxy Tab S7 FE 5G 實測 -11
    ▲ 你以爲 Tab S7 FE 無得插記憶卡? 錯喇! 卡槽背面擁有 microSD 卡槽,最高支持 1TB 的容量擴充。 

    神續航 + 大芒通話平板:三星 Galaxy Tab S7 FE 5G 實測 -12
    ▲ 隨機附送的 S Pen 同樣支持低延遲反應,能夠提供更敏捷和即時的書寫反饋,更貼近實際用筆的體驗。

    神續航 + 大芒通話平板:三星 Galaxy Tab S7 FE 5G 實測 -13神續航 + 大芒通話平板:三星 Galaxy Tab S7 FE 5G 實測 -14
    ▲ 三星 S Pen 一貫都是無需充電,配合筆身獨立按鍵,以及特製筆頭所提供的摩擦感,對於有繪圖、手寫需求的用戶係一大優勢。


    性能實測
    有不少網友都曾經問過 Tab S7 FE 係咪 S7 Plus 的閹割版? 會唔會好多實用功能都裁走左無得用? 高通 7 系處理器會否慢好多? 畢竟上面提到,兩者的實際街價差距都有兩千蚊。 從定位上黎睇,Tab S7 FE 係三星提供的粉絲版,在三星粉絲用得到各種頂級功能之下,對硬件規格進行合理裁減,成本低左自然就可以回饋比粉絲們。 

    神續航 + 大芒通話平板:三星 Galaxy Tab S7 FE 5G 實測 -15神續航 + 大芒通話平板:三星 Galaxy Tab S7 FE 5G 實測 -16
    ▲ 安兔兔跑分測試中,高通 S750G 加持的 Tab S7 FE 獲得接近 40 萬分,對比 S865+ 的 58 萬分水平,高達 18 萬分的差距,但這個差距主要來自 GPU 性能(有 14 萬分差距);意味住如果平板電腦的用途並非 GPU 要求高的遊戲,或者剪片功能的話,高通 S750G 性能體驗上其實與 S865+ 無乜分別。

    神續航 + 大芒通話平板:三星 Galaxy Tab S7 FE 5G 實測 -17
    ▲ 睇埋 Androbench 的測試結果,對比 Tab S7 版的用料,Tab S7 FE 明顯稍微慢一些,但隨機讀寫速度破 180MB/s 水平,根本已經快到多餘喇! 正常用途裏,本 YK 無法體驗出 Tab S7 FE 有任何令人不耐煩的遲滯感。

    神續航 + 大芒通話平板:三星 Galaxy Tab S7 FE 5G 實測 -18神續航 + 大芒通話平板:三星 Galaxy Tab S7 FE 5G 實測 -19
    ▲ 最令人有驚喜的絕對係續航力,內置 10090mAh 的電量,在 26 小時測試結束後,Tab S7 FE 獲得超驚人的 15530 分!  每日只係工餘時間睇下片、批改 PDF 工作,偶然打開數據網絡收電郵,最後成個禮拜都未充過電,本 YK 仲以爲係電量計壞左。。。


    重要功能無得留低?
    神續航 + 大芒通話平板:三星 Galaxy Tab S7 FE 5G 實測 -20
    ▲ 多工浮動視窗模式下,實測最多可以同步開啓 5 個 Apps 進行操作(如上圖);同埋唔好忘記 Tab S7 FE 係可以打電話,但就要用藍牙耳機黎打,畢竟機身無聽筒和 3.5mm 耳機接口。

    神續航 + 大芒通話平板:三星 Galaxy Tab S7 FE 5G 實測 -21
    ▲ 旗艦功能  DeX 模式(無線版)亦出現在 Tab S7 FE 身上,配合官方鍵盤套就十足一部筆電。

    神續航 + 大芒通話平板:三星 Galaxy Tab S7 FE 5G 實測 -22
    ▲ 有了三星 Tab S7 FE 高質素的屏幕就不需要額外再購置「電腦副屏幕」! 本 YK 最愛的「第二個螢幕」功能亦在 Tab S7 FE 獲得保留,平板變成電腦的無線屏幕真係相當實用。


    結論
    早前有唔少網友見到 Tab S7 FE 對比 Tab S7+ 減少 RAM 和 ROM 的容量,又改用 7 系高通處理器,就嘩嘩聲咁鬧「CUT COST 呀!」、「偷工減料!」;但好老實,呢個裁減絕對係「CUT 得好! CUT 得妙!」,一般用戶係用唔到 8GB RAM、又裝唔盡 256GB ROM 架,何況仲有插卡呢! 而 Tab S7 FE 呢部產品的推出,反映出三星係有做過深入的市場調查,知道大部分用戶到底需要乜性能、乜規格。

    神續航 + 大芒通話平板:三星 Galaxy Tab S7 FE 5G 實測 -23

    你見到 Tab S7 FE 依然保留高級版的「高壓感、低延遲 S Pen」,又改用埋本 YK 最愛的高質 LCD 芒,續航力更加係超級黐線地長氣! 但實用的多工畫面、DeX 模式、無線屏幕、甚至通話功能都一次過比晒你,而最終價錢係有一炮過減晒比你架!當你需要一部旗艦功能的平板、又要支持鍵盤和 PEN 操作,但手上只有一張 5000 蚊的消費券,三星呢部 Tab S7 FE 會係一個相當吸引的消費選擇!
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Samsung Galaxy Tab S7 FE 5G
    • 現時售價: N/A
    • 尺寸: 185.0 x 284.8 x 6.3 mm / 608 g
    • 系統:Android 11
    • 插卡: microSD
    • 螢幕: 2560 x 1600 pixels、 12.4 吋 IPS
    • 相機:
    • 顏色: 綠/黑
    • 處理器:N/A
    • 記憶體:64GB
    • 上市:未上市