主題:【內含片】喇叭四重天:大芒華為 M5 Pro「AV 平板」實測

  • 發表時間:2018-06-11 21:28 收錄檢舉
    早前鬧出笑話,「平板」突然被消失於 Google 官網,各路媒體大造文章話 Android 平板末日來臨,其後官方澄清只係網頁故障,將「平板」重新上架。 但心水清的網友都知道 Android 平板近年其實越出越少,成日問 YK 我有乜好推介,我都撒手搖頭感嘆無太多選擇。華為推出 MediaPad M5 平板系列可算為「平板末日」注入一絲生氣,所以我都立刻問版主借用 M5 Pro 平板,睇睇有乜特別先~

    【內含片】喇叭四重天:大芒華為 M5 Pro「AV 平板」實測

    金屬質感強、造工實在
    不久前版主坤哥已經分享過華為 MediaPad M5 系列兩部機的開賣資訊,詳情請參閱這裡。在我手上的 M5 Pro 是 10.8 吋屏幕,暫時仍然只有 WiFi 版, 支持鍵盤套(我手上沒有)及觸控筆。本 YK 對 M5 Pro 第一印象評價是非常高:造工質感好,磨砂金屬背配合 7.3mm 纖薄機身,揸落正!

    【內含片】喇叭四重天:大芒華為 M5 Pro「AV 平板」實測
    ▲ M5 Pro 擁有 10.8 吋 2K 解像度 IPS 屏幕,加強型 ClariVu 技術提高畫面層次感,而我眼睛睇好耐都唔容易疲倦。

    【內含片】喇叭四重天:大芒華為 M5 Pro「AV 平板」實測
    ▲ 香檳金色的背部,冰冷磨砂觸感係好爽;上下四個大喇叭係賣點。

    【內含片】喇叭四重天:大芒華為 M5 Pro「AV 平板」實測
    ▲ 前鏡頭 800 萬像素 f/2.2 光圈,足夠你玩視像通話。

    【內含片】喇叭四重天:大芒華為 M5 Pro「AV 平板」實測
    ▲ 採用虛擬三天王設計,正面下巴位有「HUAWEI」標示,但呢個擺放位係一個敗筆,後續解釋原因。

    【內含片】喇叭四重天:大芒華為 M5 Pro「AV 平板」實測
    ▲ 右側是指紋鍵,同時亦充當主頁鍵功能。

    【內含片】喇叭四重天:大芒華為 M5 Pro「AV 平板」實測
    ▲ 背部凸鏡頭 1300 萬像素,同樣 f/2.2 光圈,但畫質真係唔好有太大期待。

    【內含片】喇叭四重天:大芒華為 M5 Pro「AV 平板」實測
    ▲ 音量鍵、電源鍵、記憶卡槽、Type C 數據充電接口全部放同一邊。

    【內含片】喇叭四重天:大芒華為 M5 Pro「AV 平板」實測
    ▲ 其實可能有 M5 Pro 雙卡 LTE 版,皆因 micro-sd 卡槽仍有大量預留空間,應該可以做到三選二卡槽。

    【內含片】喇叭四重天:大芒華為 M5 Pro「AV 平板」實測
    ▲ 背部四喇叭設計由 「harman / kardon」操刀;三點金屬是連接另購的鍵盤,跟 Microsoft Surface 平板一樣原理。

    【內含片】喇叭四重天:大芒華為 M5 Pro「AV 平板」實測
    ▲ 跟機送 M-Pen 觸控筆,支持 4096 級壓感,適合唔識打字人士,或者對繪圖有一定需求的人;但筆頭在屏幕上滑動的實際效果一般,筆尖阻力觸感不及三星 S-Pen 好。

    【內含片】喇叭四重天:大芒華為 M5 Pro「AV 平板」實測
    ▲ M-Pen 具備防手掌觸碰干擾的設計,但最令人頭疼的缺點是主動式設計,也就是需要為 M-Pen 充電,無電就無反應!

    【內含片】喇叭四重天:大芒華為 M5 Pro「AV 平板」實測
    ▲ 華為 M5 Pro 操作交互設計奇怪,本 YK 到今天都未能習慣:正面是無法看到音量鍵和電源鍵,經常發生盲摸的情況,原因係按鍵位置與指紋識別器同邊,而按照常理般打直用 M5 Pro,正常人點會覺得按鍵放在機身底部? 但偏偏華為就係咁做,呢個設計係違反常理。


    性能測試、符合預期
    華為 M5 Pro 有麒麟 960 八核心處理器加持,採用客制化 Android 8.0 系統,4GB RAM 配 64GB ROM 組合,內置 7500mAh 大電池,支持 9V/2A 快充模式。但留意機身並無 3.5mm 耳機孔,隨機附送 type-C 轉頭。可能有唔少網友質疑,麒麟 960 係 2016 年產物,性能會唔會唔夠玩? 其實華為 Mate 9 旗艦機都係用呢粒處理器,CPU 性能和耗電有一個不錯的平衡,唔玩超大作 Gmae 的話 GPU 夠力應付日常操作。

    【內含片】喇叭四重天:大芒華為 M5 Pro「AV 平板」實測
    ▲ 安兔兔測試結果 177275 分,屬於符合預期的效能。

    【內含片】喇叭四重天:大芒華為 M5 Pro「AV 平板」實測
    ▲ Basemark ES 2.0 Taiji 跑到接近滿分 59.89fps,其實絕大部分遊戲都玩得順。

    【內含片】喇叭四重天:大芒華為 M5 Pro「AV 平板」實測
    ▲ 本 YK 最愛用的 Androbench(到今日都唔知係乜就自己睇呢度),結果顯示肯定唔係 UFS2.1,不過隨機寫入速度好過部分旗艦手機架!


    特殊「Windows XP」電腦模式
    華為 M5 Pro 主打娛樂 + 工作兼得,系統加入「Windows XP」樣子的電腦模式,呢樣設計本 YK 非常欣賞。可惜我手上無原裝鍵盤,只能用微軟出品的藍牙折合鍵盤頂住先。再加埋一個藍牙滑鼠,就似嗮筆記本電腦咁!

    【內含片】喇叭四重天:大芒華為 M5 Pro「AV 平板」實測
    ▲ 哇,最似 「Windows」就係個 Wallpaper,好有當年青春回憶的感覺!

    【內含片】喇叭四重天:大芒華為 M5 Pro「AV 平板」實測
    ▲ 左下角 Start Menu 其實係 App Drawer,而右下角是類似 Windows 10 的快捷中心,圖示分佈一目了然。

    【內含片】喇叭四重天:大芒華為 M5 Pro「AV 平板」實測
    ▲ 我發現係普通模式下用藍牙鍵盤輸入,屏幕強制出現虛擬鍵盤,非常浪費空間。

    【內含片】喇叭四重天:大芒華為 M5 Pro「AV 平板」實測
    ▲ 當你進入電腦模式,世界就變得更美好。


    ▲ 電腦模式切換示範


    ▲ 特別加插 M5 Pro 一個有趣功能,適合打字慢的網友:即時自動識別手寫筆記,但準確度有待提高。


    四喇叭係核心賣點
    我用 M5 Pro 咁耐,最值得入手的賣點係四重天喇叭,我可以肯定佢個喇叭係我玩過咁多部 Android 平板中最好的一部:聲音非常厚實圓潤,以「AV 平板」用途定位絕對一流,我講緊 Audio 同 Video 咋~ 如果你身處的空間允許你開喇叭黎玩,咁 M5 Pro 係聲效最好的選擇。


    ▲ 去年本 YK 購入的 Lenovo Tab 4 8 Plus 有前置雙喇叭加持,哪怕配合杜比聲效都被華為 M5 Pro 完全壓制!


    結論:為 AV 而生的平板
    網友最中意問一個問題,究竟 M5 Pro 對唔對得住 3780 元呢個開賣價呢? 同三星 Tab S3 對比又點選擇呢?後者開價 4998元,今天細鋪三千尾都有交易。如果係開爆喇叭作 AV 享受之選,咁厚聲加 IPS 芒的 M5 Pro 會係你杯茶,但如果取代電腦做文書用途,4:3 屏幕配合免充電 S-Pen 的 Tab S3 會係比較合適的搭配。

    如果你好似本 YK 咁只係要求插住耳機睇 Netflix,咁求其一部平板都符合你的要求。一句到尾,最緊要知道自己對平板用途的要求是什麼,咁你就會有答案。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • HUAWEI MediaPad M5 Pro WiFi
    • 現時售價: 3,780 起
    • 尺寸: 171.8 x 258.7 x 7.3 mm / 498 g
    • 系統:Android 8.0
    • 插卡: microSD
    • 螢幕: 2560 x 1600 pixels、 10 吋
    • 相機: 1300 萬像素CMOS
    • 顏色: 香檳金、太空灰
    • 處理器:Kirin 960
    • 記憶體:64GB
    • 上市:2018-04-27