主題:二千有找 入手 10.1 吋平板 有四喇叭 + 6660mAh 大電

ePrice HK
  • 發表時間:2018-10-03 18:12 收錄檢舉
    今時今日 Android 平板愈出愈少,大舖比較常見嘅平板品牌,唔係 Samsung、Lenovo 就係 Huawei。想要打機、追求效能,Samsung Tab S4Huawei M5 Pro,也許會係一個選擇,不過如果唔打機,純料好似版主,上下網、打下文,間唔中睇下片,又有乜嘢相對平價一點的選擇呢?最近有大舖就將一部舊代的 10.1 吋平板劈價清貨,唔單止有四喇叭,又有 6660mAh 大電,你覺得又係咪你的選擇呢?

    二千有找 入手 10.1 吋平板 有四喇叭 + 6660mAh 大電

    每逢星期三,衛訊都會有限時優惠,將一些產品劈價清貨。不過,並非個個星期劈價的產品都抵玩,所以網友都見到,版主唔會話個個星期都寫佢有乜優惠。然而,今次減價的產品,可能值得考慮,佢就係 Huawei M3 Lite (Wi-Fi),建議零售價為 $2580,而家衛訊將佢限時 + 限量減價,優惠價為 $1980,total 有 60 部。值唔值得入手?版主比較過出面細舖,佢哋都仲係賣緊 $2100 左右,如果網友有興趣的話,似乎衛訊買,會更抵。

    二千有找 入手 10.1 吋平板 有四喇叭 + 6660mAh 大電

    M3 Lite 硬件規格係點?相信好多網友都忘記了,就等版主同大家重溫一下。M3 Lite 用上了 10.1 吋 IPS 芒,解像度為 1920 x 1200,規格比較入門級數,配備 Qualcomm S435 處理器,內置 4GB RAM 以及 64GB ROM,唔打機的話,一般使用都唔係太大問題。而 M3 Lite 有個賣點,就係音響部份,由 Harman Kardon 音響工程師團隊負責專業調音,並給予認証,採用四組立體聲喇叭,音量大、低音強,就算平時唔係用來做嘢,有時睇下片都幾正。而電量有 6660mAh,滿足一天使用,理論上沒有太大難度。$1980 買佢,你覺得抵嗎?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁