深水埗細舖限時優惠，平板連鍵盤二千頭
今次講嘅係 HUAWEI MatePad 11.5 2025 柔光版 (PaperMatte Edition)。根據官方資料，呢部平板主打嘅正係其「PaperMatte 柔光屏」，可以有效減少反光同眼部疲勞，非常適合長時間閱讀同書寫。當初推出時，柔光屏版本連智能鍵盤嘅建議零售價為 $2,999。而家深水埗細舖推出限時優惠，以 $2099 出售香港行貨，並且包埋原裝智能鍵盤，即場減咗 $900，折扣幅度確實相當吸引。
硬件規格：柔光屏 + 長續航，文書學習專科
規格上，MatePad 11.5 柔光版配備咗一塊 11.5 吋 2.5K 解像度嘅屏幕，仲支援 120Hz 刷新率，畫面流暢細緻。佢最大嘅賣點就係塊採用防眩光技術嘅屏幕，睇落好似實體書紙張一樣，長時間睇都唔易攰。部機用咗麒麟 T82B 八核芯片，內置 8GB RAM 同 256GB ROM，電池容量更加達到 10,100mAh，支援 40W 快充，續航力非常強勁，出街用一日都唔使點擔心冇電。套裝跟埋嘅 HUAWEI 智能鍵盤，可以同平板磁吸連接，即刻變身成一部輕便小筆電，處理文書就方便好多。另外，部平板亦都支援 HUAWEI M-Pencil（第三代）手寫筆，搭配內置嘅「華為筆記」軟件，做筆記、畫畫都好就手。影相方面，佢有前置 800萬像素鏡頭同後置 1300萬像素鏡頭，視像通話或者影低白板資料都夠用。聽歌睇戲時，佢嘅四揚聲器配合 Histen 9.0 音效，聲效都幾唔錯。
$2099 係咪抵玩？
平心而論，$2099 呢個價錢，買到一部有專利柔光屏、續航力強、兼且包埋原裝鍵盤嘅 8+256 平板，市面上選擇真係唔多。如果你嘅用途集中於學生上網課、做筆記，或者需要處理文書、輕度辦公，又或者係需要長時間閱讀電子書、漫畫，同埋好注重護眼功能，咁呢部 MatePad 11.5 柔光版套裝可謂「對症下藥」，性價比非常突出。你諗下，單買一個原廠智能鍵盤，市價都要 around $599，計落平板本身大概千五蚊左右，確實抵玩。按這裡可查詢庫存