![Pixel C(Facebook).jpg //timgm.eprice.com.hk/hk/pad/img/2015-12/09/68175/prince1025_1_4497_fa62d754dfe90d233097f328516789aa.jpg](http://timgm.eprice.com.hk/hk/pad/img/2015-12/09/68175/prince1025_1_4497_fa62d754dfe90d233097f328516789aa.jpg)
其實有關呢部 Pixel C 的配置,之前虎仔都曾經同大家分享過。Pixel C 採用了電鍍鋁合金機身,配備 10.2 吋 2560 x 1800 解像度 308ppi 的大屏幕,屏幕比例就同一張 A4 紙差不多。Pixel C 的機身尺吋為 242 x 179 x 7 mm,重量只有 0.517 kg,其實並不算太重,相信拎出街都會比較方便。Pixel C 配備了 NVIDIA Tegra X1 處理器,搭配 Maxwell GPU,並內置 3GB LPDDR4 以及 32GB / 64GB ROM。相機鏡頭方面,Pixel 採用了 800 萬像素主鏡頭以及 200 萬像素前置鏡頭。另外,平板本身除了預載最新的 Android 6.0 Marshmallow,還用上 Chromebook Pixel 都有的 USB Type-C 接口和顏色電池顯示棒。配合 Android 6.0 的語音操控,它還內置 4 個咪高峰。
Pixel C 目前已登錄 Google 商店,32GB 的售價為 US $499,而 64GB 的售價則為 US $599。不過睇番香港的 Google 商店,暫時就得 32GB 的版本有得買,建議零售價為 HK $3888,顏色方面只有銀色。如果你對呢部機有興趣的話,即日購買將會在 1 至 2 日出貨。另外,隨機將會附上一個 USB-Type C 充電器以及一本快速入門指南。
![Screen Shot 2015-12-09 at 10.03.52 am.png //timgm.eprice.com.hk/hk/pad/img/2015-12/09/68175/prince1025_1_4497_9ea0adf4112afca6c62ea3896b182e18.png](http://timgm.eprice.com.hk/hk/pad/img/2015-12/09/68175/prince1025_1_4497_9ea0adf4112afca6c62ea3896b182e18.png)
▲ Pixel C 32GB 的建議零售價為 HK $3888,按圖可進入 Google 商店 Pixel C 頁面。
而家買平板,唔係淨係得部平板就得,佢嘅配件開始變得愈來愈重要,特別是鍵盤方面。Google 亦為 Pixel C 推出了一款專用的磁吸式鍵盤,建議零售價為 HK $1188,特點是當連接裝置的時候能夠進行無線充電,但缺點是沒有 Trackpad,個人覺得操作上或者會有少少唔方便。
![Screen Shot 2015-12-09 at 10.09.33 am.png //timgm.eprice.com.hk/hk/pad/img/2015-12/09/68175/prince1025_1_4497_3cbe1bb6ef4dfbd28425a97fc625f38c.png](http://timgm.eprice.com.hk/hk/pad/img/2015-12/09/68175/prince1025_1_4497_3cbe1bb6ef4dfbd28425a97fc625f38c.png)
![Screen Shot 2015-12-09 at 10.09.53 am.png //timgm.eprice.com.hk/hk/pad/img/2015-12/09/68175/prince1025_1_4497_6fc4bd8729af28aa683ae7046e323676.png](http://timgm.eprice.com.hk/hk/pad/img/2015-12/09/68175/prince1025_1_4497_6fc4bd8729af28aa683ae7046e323676.png)
自從 Apple 推出左 iPad Pro 之後,版主都聽到唔少人講對呢部 iPad Pro 感到失望。唔知大家覺得,Google 親自操刀的呢款平板電腦,能唔能夠吸引到你地的注視,趁呢個機會超越 iPad 呢?
來源:PocketNow