Xiaomi Pad Mini 香港賣價 + 開賣優惠
Xiaomi Pad Mini 提供紫、灰兩色，兩個容量版本：8GB+256GB 賣 $3,799，同 12GB+512GB 賣 $4,299。開賣地點包括全線小米之家直營店、小米之家專賣店、小米官網 mi.com，以及香港指定零售商門市同網站。優惠方面，由 9 月 26 日至 10 月 12 日期間買機，即享 $300 折扣，仲可以 $99 買到 Xiaomi Pad Mini 保護套（原價 $199）。呢個折扣加埋保護套，相當抵玩，唔知網友又會唔會考慮入手呢？
Xiaomi Pad Mini 硬件規格
規格方面，Xiaomi Pad Mini 採用 8.8 吋 3K 超清顯示螢幕（解像度 3008 x 1880，403 PPI），支援最高 165Hz 自適應更新率，確保瀏覽同手寫繪圖超流暢。螢幕仲支援 Dolby Vision，提升對比同色彩細節；峰值亮度 700 尼特，無論室內室外都清晰。加上全直流調光技術、TÜV Rheinland 低藍光（硬件方案）、無閃爍同晝夜節律設計，睇得耐都唔傷眼。音效部分，有雙立體聲喇叭，支援 Hi-Res 同 Hi-Res 無線音訊，配 Dolby Atmos，帶來沉浸式環繞音效。機身設計輕薄，寬度只得 132.03mm，重 326g，單手握持超方便，採用一體化金屬機身，微弧中框，仲有 SoC 中心對稱設計，提升平衡感。
效能上，搭載聯發科天璣 9400+ 處理器（3nm 製程），單核心多核心都能滿足輕量生產力需求。電池 7500mAh，支持 67W HyperCharge 快充，仲有最高 18W 有線反向充電。機身有雙 Type-C 接口，長邊支援 USB 3.2 Gen 1 高速傳輸。
AI 功能係亮點！運行 Xiaomi HyperOS，內置 Xiaomi HyperAI，提供 AI 寫作、AI 語音識別、AI 即時翻譯、AI 藝術創作、AI 計算器，同 Google Circle to Search 一圈即搜，讓使用更智能高效。
相機部分，後置 13MP（支援 4K 錄影），前置 8MP。連接方面，有 Wi-Fi 7、Bluetooth 5.4。配件如 Xiaomi 焦點觸控筆同保護套需另購，但觸控筆有毫秒級低延遲同高壓力感應，寫字如紙張般自然。