$999 入手 10.1 吋平板 到底出自咩品牌?
呢部平板電腦叫 MaxPad I10 Pro，出自一個叫 BMAX 的品牌。BMAX？聽都未聽過？其實版主我本身都無乜點有留意呢個品牌，不過據了解，原來呢個品牌係由國內品牌台電 (Teclast) 嘅人，離開後出嚟創辦嘅品牌，背景大致係咁，同台電並沒有太大關係。BMAX MaxPad I10 Pro 硬件規格
而呢部 MaxPad I10 Pro，最近就有代理接咗嚟賣，零售價 $999，價錢咁平，到底賣嘅餡係點？佢擁有 10.1 吋芒，解像度為 1920 x 1200，機身厚度薄至 8.9mm，重量輕至 400g，配備紫光展銳 T310 處理器，內置 4GB RAM 以及 64GB ROM，支持 microSD 擴充，電池容量為 6600mAh。相機部分，MaxPad I10 Pro 具有 500 萬像素後置鏡頭，前置鏡頭則為 200 萬像素。另外，平板預載 Android 11 作業系統，支持 4G 雙卡雙待、VoLTE 通話、無線投屏等功能，並且具有 GPS、北斗、格洛納斯和伽利略四種衛星導航系統，支持 A-GPS 輔助網絡定位。
購買地點：訊達科技 (黃金商場地面 54 號舖)