$1600 唔使台電 T50 Pro 香港上市
今次要分享嘅呢部平板品牌，其實我哋近年都比較少講，佢就係 Teclast，英文唔熟唔緊要，中文叫「台電」，應該唔會太陌生。最近佢哋喺香港推出咗一部全新平板電腦 T50 Pro，即日起正式開賣，建議零售價為 $1599，呢個價錢望落去都算幾平，不過規格方面又如何呢？
台電 T50 Pro 硬件規格
台電 T50 Pro 用上咗 10.95 吋 IPS 大屏幕，解像度為 2000 x 1200，配備 MTK MT6789 八核心 2.2GHz 處理器，內置 8GB RAM 以及 256GB ROM，電池容量為 8000mAh。而比較令我意外嘅係，平時一般市面嘅平板電腦，好多時候相機都唔會好大像素，尤其是呢啲千零蚊平板，多數都係 800 萬像素後置 + 500 萬像素前置呢種組合，不過呢部台電 T50 Pro 唔單止有 2000 萬像素後置鏡頭，支持自動對焦，前置鏡頭仲有 800 萬像素，無論用嚟影相或者 Zoom 開會，都無問題。另外，平板仲會有四個立體聲喇叭，用嚟睇片都合用！唔知大家又對呢部平板有無興趣呢？