13 吋 2.5K 護眼全面屏 攞齊 TÜV Rheinland 三重認證
HONOR Pad X9b Max 採用 13 吋 2.5K 全面屏，支援 120Hz 高刷新率，螢幕解像度有 2500 × 1560，像素密度達 228 PPI，仲可以顯示 10.7 億種色彩。螢幕峰值亮度達到 700 nits，就算喺光猛嘅戶外環境睇，畫面依然清楚。防護方面，螢幕加入仿紙本顯示功能，表面經過霧面處理，可以減少 35% 螢幕反光同埋消除 98% 環境雜光干擾，睇落去同睇實體紙張一樣舒服。產品仲拎到 TÜV Rheinland 無閃屏、硬件級低藍光同仿紙本顯示三重專業護眼認證。
10100mAh 超大電池 支援 45W 快速充電
電量亦係 HONOR Pad X9b Max 嘅一大特點，機身內置 10100mAh 電池。根據資料顯示，呢部平板可以連續播放影片長達 16 小時、閱讀文件 13 小時、使用 HONOR Notes 寫筆記 12 小時，或者播放音樂 73 小時，單次充滿電嘅待機時間仲可以去到 90 天。充電速度方面，產品支援 45W HONOR SuperCharge 超級快充。IMAX Enhanced 影音認證 搭載四喇叭系統
影音體驗方面，HONOR Pad X9b Max 榮獲 IMAX Enhanced 專業認證，用家可以用 Disney+ 等支援嘅串流平台睇到 IMAX 級數嘅片。機身設有 HONOR 獨家音訊演算法驅動嘅四喇叭系統，支援最高 200% 音量增強，同時獲得高清音效同高清無線音效認證，配合 DTS 音效處理技術，營造出更強嘅聲場深度。6.72mm 機身夠薄 支援 AI 備忘錄同跨系統連繫
HONOR Pad X9b Max 採用全金屬一體化鋁合金機身，厚度得 6.72mm，重量為 618g。平板內置 AI 智能備忘錄，支援開會實時智能問答、精準語音識別，仲可以一鍵自動整好精簡嘅會議紀錄。
