新一年有咩願望呢？版主虎仔就希望可以買樓上車，不過呢個願望都幾難實現。如果版主話你知，東京附近有一幢古怪大樓唔使 60 萬港元就可以買得到，你會唔會考慮？跳轉睇樓！
[SEP]
單睇外形，大樓似乎冇乜特別，原來呢幢興建於 1991 年的 5 層高大樓，是全日本狹窄的大廈。設計呈三角形，每層樓只有 77.8 平方呎面積，全幢樓合共只得 389 平方呎，比起唔少香港住宅單位仲要細。
設計三尖八角之餘，由於要有樓梯上落，地方非常唔見使。睡房、客廳、飯廳、廚房、廁所差不多各佔一層，每一行上行落真係行到腳軟，唯一好處就係夠晒特別，兼且類近地鐵站。不過只需要約 59 萬港元就可以上到車做業主，如果呢幢騎呢大樓出現於香港，相信一樣有唔少人爭住買！
資料來源：rocketnews24