只要去淘寶逛一下，就會見到有大量 VR 眼鏡售賣，為咗爭生意，網店主人都各出奇招。減價送配件都係小兒科，大陸網站近日報導，有部份淘寶網店竟然出絕招，而呢班網店店主，連同幫佢哋打工嘅店員同客服，最後都通通被公安拘捕，究竟衰乜嘢呢？跳轉話你知。
[SEP]
為咗令 VR 眼鏡銷路大增，有網店主人同員工諗到附送大量 AV 鹹片，只要消費者購買 VR 眼鏡，就可以加入 QQ 群，裡面有大量 AV 連結或檔案；又有店主會將影片放喺百度雲網盤，買家收到眼鏡後就會加好友，然後將 AV 影片資源分享。
報導指有網店店主的百度雲網盤甚至有超過 2000GB 嘅鹹片內容，大陸檢察機關早前開始執法，以涉嫌傳播淫褻物品嘅罪名一共拉咗 700 幾人，有人承認向購買 VR 眼鏡嘅顧客提供 AV 鹹片係潛規則，有網店更因售賣 VR 眼鏡每月獲利 300 萬。咁好搵，唔怪得咁多人鋌而走險了！
資料來源：cnbeta