好多麻甩佬，就算對電腦使用唔多熟悉，但都仍然會用電腦做一個用途，就係上網睇鹹嘢。上網搵「J 圖」調劑一下，只要唔影響到人，其實都係私人喜好，不過最近民建聯嘅副主席彭長緯就被網民踢爆 Facebook Like 咗 Condom 嘅專頁，同埋「精選 J 圖日報 2.0」嘅 Page。究竟佢會點回應？跳轉睇睇。
[SEP]
根據壹週刊嘅報導，呢位現年 63 歲嘅民建聯副主席死口唔認係自己嘅喜好（版主覺得老而彌堅，有心有力，應該值得驕傲囉），然後又賴 Facebook 唔係佢個人使用，平時係由助手或者同事負責運作，用來分享工作有關嘅消息。彭長緯話佢個 Facebook 帳號係職員幫手擺嘢上去，唔係個人 Facebook 嚟。佢話，應該係同事錯手 Like 咗喎。
各位網友有用開 Facebook 都可能知道，Facebook 會因應用戶喜好同上網搜尋嘅習慣，推送認為符合用戶口味嘅內容，同推薦相關嘅專頁。同一部電腦有多過一個 Facebook 帳號，會唔會有人忘記登出，然後就馬上 Search J 圖、Dom Dom 訊息，之後又 Like 埋呢？睇 J 圖之嘛，認咗佢然後開心 Share，可能會吸納一班志同道合嘅支持者喎。
來源：壹週刊