食飯唔俾錢?大媽發狂喪咬 Waiter
|
聲音內容
喺餐廳做 Waiter 唔算係高危職業,頂多都係滑倒跣親或者被熱嘢淥親,不過一個 19 歲嘅年輕 Waiter 最近就被咬傷。唔好以為佢工作嘅餐廳賣野味或者新鮮蛇羹,佢嘅咬傷全部來自一名變態嘅中國大媽食客,究竟係咩原因令佢咁傷?跳轉話你知。
[SEP]
事發喺澳州阿德萊德一間中式海鮮酒家,19 歲年輕華裔 Waiter 負責招待 48 歲大媽同佢嘅朋友。點知大媽食完飯唔認帳,只係願意俾半價就想走人,當店員告知唔能夠接受只付一半,大媽竟然起身走人,呢位 19 歲年輕 Waiter 於是上前拉住大媽。
唔想俾錢嘅大媽發惡,起勢用力咬 Waiter 之後,仲嘗試箍頸。警察嚟到將大媽拘捕,控告佢嚴重襲擊同食飯唔俾錢,至於個 Waiter 就慘啦,佢手臂有多處咬傷,大範圍瘀傷,更需要縫針添!
資料來源:dailymail