623 消費券轉會日!八達通、PayMe、BoC Pay、Tap&Go、AlipayHK、WeChat Pay 邊個最好

Keith Yim | 聲音內容
saving-fb01.jpg

雖然今年 2022 年第二期消費劵,最早都要喺 8 月 7 日派發,但 6 月 23 日都係一個重要日子,因為今次大家係可以轉「會」,即係轉換消費劵的電子錢包。除咗以前已有的八達通、Tap&Go、AlipayHK、WeChat Pay 外,今次還加入了 PayMe 及 BoC Pay。有競爭先有進步?上次消費劵是因為延續上年的方式,舊用戶不用再登記,各大電子錢包可說是零優惠。今次唔同啦!又怕新兩個對手,又想搶埋其他客,所以都有新一輪優惠,今次由我版主 Keith 用聲音及文字,跟大家分享下,我最推介邊款消費劵支付工具。
 

PayMe、BoC Pay 著數不大限制多

今次加入了兩個新嘅消費劵電子銀包,包括 PayMe 及 BoC Pay。前者好多人都用緊,不過都係用佢嚟夾錢、收數。今次加入消費劵,大家會問,可以用 PayMe 消費嗎?答案係可以,都係用上二維碼,開著個 App,照 Code 俾錢。我去過 McDonald、7-11 等都俾到錢,不過要 Chok App Chok Code 都麻煩。 

BoC Pay 呢?我真心未用過,即時開戶測試下,都幾惡,要上傳 HK ID 卡,仲要做人面辦識,佢又唔係銀行,但要做齊銀行要做嘅嘢,除非你真係覺得佢地優惠好正,或者用緊中國銀行服務,否則我堅唔主張大家轉去  BoC Pay,無謂為咗消費劵,要其他機構有大量你嘅個人資料,仲要包埋你個面相。

若果你未用過 PayMe 又想申請用嚟攞消費劵,PayMe 官方 Q and A 寫明,只要電話號碼及電郵地址都可以申請。其實 PayMe 同埋 BoC Pay 跟 Tap & Go、AlipayHK、WeChat Pay 玩法都係一様,電子錢包裡面有一個專門位置放置「消費劵」嘅錢。問題嚟了,我未必可以用得晒架喎,例如最後用剩得一蚊,點算好?好似八達通,Tap & Go 等等,都容許你 Top up 增值。PayMe 都可以,但若果你唔做齊認證,例如上載你嘅身份證相片及資料,就增值唔到。

所以無論你用 PayMe 或者 BoC Pay 最後都係要正正式式交低你嘅個人資料去申請服務,想唔想咁,自己諗。
 

PayMe 著數唔算多

至於著數部份,PayMe 著數唔算多,新登記送 $25 Coupon,不過要一次花費達 $50 先會自動扣除。最吸引係抽 Tesla 房車?抽獎呀,睇下你有無咁好運。至於 BoC Pay,用佢嚟做消費劵,即送 $100,綁定賬戶或中銀銀聯信用卡又有 $68 ( 6 月 30 日前),但你唔想無啦啦申請埋中銀戶口,咁呢 $68 無你份。
 

版主最推介

講完兩個新嘅可以用來領取消費劵嘅電子錢包,我十分多謝佢哋嘅參予,令到八達通、WeChat Pay、Alipay HK 都要出優惠留客。呢三個電子錢包,以 Coupon 多最出名,用佢哋夾埋 Coupon 消費,小恩小惠慳返嚟可以買杯雪糕飲下汽水,心情唔靚可以甜一下。但比拼完優惠及申請程序, PayMe 送錢太少,BoC Pay 一加入就要攞你太多資料,想以消費劵試用下呢個 App 係咪好用先俾資料你啦,都唔得。我認真麻麻。
 

Tap&Go  只啱爵屎

可以導入 Apple Pay、Google Pay,連埋一張 MasterCard 及銀聯 Virtual Card  的 Tap & Go,用起上嚟方便嘅,不過優惠係幫同系做生意,定真心優惠我分唔到。新舊 Tap & Go 加入消費劵客戶,都送 3 個月 csl 5G 體驗包,送每月 100GB,但 5G 計劃係咪真係人人想試好成疑問。請了 Mirror 的 Edan 做代言,升級優惠全部都係換 Edan 禮品,爵屎應該最開心,其他人就.....

至於版主最推介係.... 八達通!點解?喺 Clubhouse 節目「輕鬆講科技」我哋會更詳細講解消費券 2022 轉會日!八達通、PayMe、BoC Pay、Tap&Go、AlipayHK、WeChat Pay 邊個最多優惠,轉唔轉去,轉去邊到最好。Click 呢條 Link 立即收聽,裡面我會話俾大家知,點解要揀八達通。不過,若果你想睇咗先,都可以睇睇以下的表格,簡單講咗六大電子錢包喺消費劵嘅最抵優惠係乜,大家可以先參考一下。

octopus0002.jpg

octopus003.jpg
▲ 按上圖立即收聽
 

免費收聽

收聽 Clubhouse 節目是免費的。我們誠邀大家加入 Clubouse App,在 Google Play Store 或者 Apple Appstore 下載 Clubhouse,用手機號碼免費登記做會員,就可以看到我們主持節目時,於房間跟網友嘅互動情況,當中分享的文字及連結資訊都可以知道。此外,更可以喺星期二及四,中午一點半參加「輕鬆講科技」直播,舉手跟主持人聊天打氣。

另外,Clubhouse 亦支 Web Replay 功能,若果你部手機沒有安裝 Clubhouse 或者你正在使用電腦,都可以直接透過瀏覽器收聽重温。
廣告