昨日可以算是香港電訊商的一個里程碑，因為收購合併令兩個為人熟悉的品牌消失。其中走年輕路線的 One2Free，製作過唔少經典廣告，有唔少更用上當紅的明星：郭富城、金城武、周杰倫等等。版主虎仔特別找來幾個具有代表性的 One2Free 廣告，跳轉等我哋重溫一下當時廣告都好好睇嘅美好日子。
[SEP]
One2Free 成立於 1996 年，喺 1997 年就找來當時得令嘅郭富城、雪兒，仲有蒙嘉慧拍攝嘅「自由天地」，當時廣告俾觀眾投票選擇結果，你仲記得嗎？
到咗 1998 年，主角變咗金城武同未希，一樣有得俾觀眾投票。最令版主記憶猶新嘅，仲有張惠妹唱嘅《藍天》。版主準備咗 4 分鐘長版。
去到 2002 年，主角變成了周杰倫，主力 Sell SMS 短訊，走校園青春戀愛風。吸引唔少學生年青人。
2003 年，One2Free 廣告代言人仍然係周杰倫，力谷 MMS 多媒體短訊。廣告大堆頭去到布拉格拍攝外景。靚人靚景加埋甜美女主角一句「笑笑 K，再見 Jay」，非常殺食。
2004 年依然係周杰倫，不過由浪漫愛情故事變成搞笑小片段。版主搵到合集，而自此以後，One2Free 就再沒有搵大牌明星拍廣告。網友又最鍾意邊一條 One2Free 廣告呢？