迷你復刻版任天堂紅白機上星期喺日本開賣，加埋美國版灰機，官方表示首日就賣出 26 萬部。將深入民心的紅白機 / 灰機縮細成 Mini 版固之然吸引，內置 30 款經典任天堂遊戲亦令年長一輩玩家的童年回憶返晒嚟。好多地方賣斷市之餘，令日本玩家勁葡萄的，還因為大陸的淘寶。詳情跳轉話你知！[SEP]
日本網站 rocketnews24 發現，淘寶上出現唔少山寨版迷你復刻紅白機，造型似到十足十唔在講，更令日本玩家咬牙切齒嘅係，主機內置 400 款遊戲，仲要表明唔會重複，比起原裝正版多十幾倍，而售價就只係 298 人仔，平過正版多多聲。
其實日本玩家亦毋須太大驚小怪，喺任天堂未宣佈推出復刻版之前，大陸一直都有各式各樣嘅任天堂紅白機老翻同山寨，而 400 合一卡帶亦非常普遍。
睇下日版原裝的廣告，都係復刻版嚟㗎！
資料來源：taobao