[SEP]
呢排大家睇劇集「IT狗」係咪睇得好開心。原來寫 Code 做 App 唔止好多血淚史，仲有好多爆笑位。現實世界，呢幾日就爆咗單「IT狗」大花生，一間提供 WhatsApp 自動回覆訊息服務嘅公司 ChatDaddy，其香港創辦人 Kenny Lim，衝咗入香港市場推廣 Facebook 群組「小編正候群」挑機。正常公司都會愛客戶重 CS (customer service)， Kenny Lim 居然力(x)嗰客，並聲言要跟投訴得最勁嘅客戶，開 Facebook Live 對質。結果佢喺原定時間走數。呢個 Marketing 群組亦同一時間係 Clubhouse 開房揾苦主，被投訴客人 S 小姐上台現身說法，最高峰時，房間有 200 人食花生，最誇張結果係 Kenny Lim 用「感情問題」收場，上演真實版「IT 狗」劇集。
主動挑機
故事係咁嘅。ChatDaddy 創辦人 Kenny Lim，喺 1 月 28 日於「小編正候群」Facebook Group，Post 咗一段文，力數一名客戶 S 小姐不是，指控佢係 0.01％ 最無理取鬧嘅客戶，並邀請 S 小姐同 Kenny Lim 開 Facebook Live 對質，並係 30/1 晚上十一點進行。這個少有地針對客戶嘅 Post 引來群組會員相當大反應，有人當花生咁食，但亦有唔少苦主跳出嚟投訴 ChatDaddy 服務有幾差。據了解 ChatDaddy 係一間專門幫中小企處理 WhatsApp 自動留言回覆服務公司，但據組內苦主指出，ChatDaddy 服務好差，不少 WhatsApp 訊息沒有自動回應，更誇張是有亂咁收錢嘅問題，在客戶不同意情況下，自動續約一年並收取年費約九千八百蚊。「小編正候群」喺 Clubhouse 開咗間房名為：「ChatDaddy 之亂，苦主吐苦水圍爐吹下水」有唔少事主投訴服務，包括 Kenny Lim 針對嘅女主角 S 小姐，都有上台講 ChatDaddy 服務上嘅不足。
但喺 Clubhouse 開房嗰陣，男事主 Kenny Lim 無開 Facebook Live，卻拍咗一段 14 分鐘 Facebook 短片，並係同一個 Post 回應，裡面對女事主 S 小姐有關服務上投訴，唔係重點，重點係佢指出女事主係「愛上咗我」，並說自己係「渣男」，S 小姐係對佢「由愛轉恨」，男事主對女事主係「又愛又恨」，力訴事件係「感情問題」所引致。
成件事極度花生，比起 「IT 狗」劇情更加峰迴路轉。有關 S 小姐係 Clubhouse 嘅對 Chat Daddy 服務批評、Kenny Lim 喺 Facebook 對 S 小姐嘅感情指控。想食晒成套花生可按下面連結。
二百人係 CH 房間收聽及圍插 Kenny Lim
Kenny Lim 透過 FB 對女事主 S 小姐有峰迴路轉的指控相關連結
Clubhouse :「ChatDaddy 之亂，苦主吐苦水圍爐吹下水」
Facebook : Kenny Lim 對 S 小姐回應速食版
Facebook : Kenny Lim 對 S 小姐回應原裝版
Clubhouse 每日仲有好多人開廣東話房，內容有音樂、有創富、有科技、仲有教煮餸、有靈異、有新心靈。Click 呢度有每日廣東話節目重温連結。Clubhouse 已有 Web Play 功能，唔駛登記做會員，直接用 Browser 收聽收睇。若果想同主持人溝通、互動，就要用 App 啦。