相信大家都知道通常呢類大清倉並唔係件件都真係咁平的,而且所賣的大多是陳列品。(如果打死都唔會用陳列品的朋友都可以無視今次開倉啦)所以版主就只分享一部份 Good Century 聲稱減得最多的產品比大家睇。至於係咪真係最抵,坦白講,種類實在太多版主都唔太清楚,都係交由大家定奪好了。
Logitech Rechargeable Trackpad for Mac
用開 Mac 機的朋友大概都會明白如果無 Trackpad 又真係好似爭咁啲野咁,呢塊 Logitech 的 Trackpad 原價 $499 而家做個 3折, 只係 $128 ,限售 50 件,有 iMac 或 Mac Pro 的朋友可以留意下。
ATH-CKS55iS 智能手機專用入耳式耳機連咪高峰
audio-technica 耳筒本身 Good-Century 定價 $538 ,今次開倉就做左個 3.5 折, 只係 $188 就可以入手,同樣限售 50件。
TARGUS TSM68904AP GEO 15.6" 斜揹袋(灰/ 黑)
今次清倉全場折扣最勁其實唔係手機平板或者電腦配件,而係呢個斜揹袋。(所以話今次開倉真係乜嘢都有) 原價要 $608,而家只係 $121 就有交易,足足打左個 2 折,但數目就好少啦,只得四件,要買的朋友要襯早去了。HYUNDAI P785 7.85吋3G四核心平板電腦 16GB
今次清倉當然唔會少得手機同埋平板啦,呢部 HYUNDAI 有近 8 吋芒 又支援 3G 同四核,清倉價係 $699 。表面上呢個價都算可以,但係唔係比市面平好多又未必係(例如 groupon 都只需要 $699)買唔買就由大家決定啦。小結:手機平板非最抵,家電可能仲抵玩?
最後,要留意今次清倉所出售的貨品其實均為陳列品或者係包裝盒有損,所以全部產品都係售完即止。另外,所有貨品均有三個月保養。(除小米紅米 NOTE 之外,因為係香港行貨,跟小米保養)。坦白講版主就覺得今次清倉其實未必係入手手機或者平板的好機會,好似岩岩提到的小米紅米 Note 咁,今次清倉價仲係 $1200,基本上無點平過。反而家電就可以留意一下,最誇張係 THOMSON 的風筒同熨斗 $30 有找,雖然版主真係唔識家電野,但呢個價應該都叫平啩?
Good-Century送舊迎新開倉大優惠
日期:2015年1月29日(星期四)至 2月1日(星期日)時間:中午12時正至下午 8 時
地點:九龍旺角彌敦道750號始創中心二樓236室