［一齊來幫手］Google Translate 將增設廣東話，目前正在測試階段

Lawrence 2015-02-07 13:10 | 科技新知

Google Translate 雖然有時唔係咁準確（做功課靠佢真係死得人），但的確為大家日常生活帶來左唔少方便。可惜目前來講 Goolge Translate 係中文方面都只係支援繁體同簡體兩種，而香港人常用的廣東話就一直欠缺。不過看來 Goolge Translate 好快就會加入廣東話的選項啦，但就需要大家的幫忙，因為呢項服務暫時仍然係測試階段，仲需要大家的協助去訓練佢地嘅 program 。想參與其實步驟好簡單，版主而家就粗略咁做個示範，想 Google Translate 快啲翻譯到廣東話就一齊來幫手啦。


▲ 首先要 Click 入呢條 Link 不論係手機還是電腦都適用，呢個 Google Translate 的 community 用意就係透過用家的幫助為 Google Translate 提高準確度而設的。


▲ 係幫手測試 Google Translate 廣東話前，大家首先要揀左自已熟悉的語言先，因為廣東話尚在測試階段所以會有個星號，除左廣東話大家都一定要揀選埋英文先可以到下一步的。版主都知 ePrice 讀者個個都係隱世高人，精通過百種語言，但今次幫 Translate Community 手就唔好揀多過 5 種語言啦。
揀完語言之後 Translate Community 會因應用家的選擇提供不同的選項比用家，主要分為翻譯同核實兩種，因為廣東話仲測試緊所以只係需要大家幫手翻譯。


▲  左圖係錯誤示範，大家去幫手時遇到唔識翻譯的情況其實好平常，只要按 Skip 就 ok 了，唔好亂譯呀。
而翻譯完一組詞彙之後 Translate Community 會自動俾下一組你，得閒一日譯十組都幫到唔少幫啦。

來源：Google Translate Community