）但大家應該估唔到，未來好可能除左手機之外連手錶都唔可以帶入市場，唔止係講緊智能手錶，係連普通手錶都唔可以！睇埋下文你就知咩事。
根據外國網站報導，而家有多間大學 (主要是英國大學) 正慎重考慮禁止考生佩戴手錶入場。不論你係佩戴智能手錶或者一般手錶，一律唔可以！當中主要原因係，要監考人員從外表來快速分辨考生是否佩戴智能手錶實在唔容易，因此為了公平起見，才會出現全面禁止佩戴手錶進考場的決定。
雖然話普通手錶可算係躺著也中槍，但諗深一層呢個考量確實有佢嘅合理性。先唔講尚未發售的 Apple Watch ，發售左一段時間的 Android Wear 都已經有唔少功能可以幫作考生作弊，例如計數機同記事簿功能。另外，部分 Android 智能手錶款式確實外型同一般手錶好似樣 (例如 Moto 360)，即使監考人員識得辨別智能手錶，但每次考試都要逐一檢查考生的手錶又未免太不切實際，所以進入考場一率不准戴手錶，確實好可能會普遍於往後世界各地的考試。
最後，版主又有一個問題諗唔通，如果以後 Google Glass 真係普及左，會唔會禁止考生帶眼鏡入場呢？
BuzzFeed