Smartone推出即時訊息及語音漫遊日費計劃！一日只需$48！

Wilson Li 2015-08-04 12:06 | 科技新知

暑假又係一個外遊嘅好時間，好多時都見旅遊Group都有唔少人去問去邊到邊到用咩SIM卡好，有時都見有人會引用返版主Keith過往嘅旅遊SIM卡文俾大家，不過在數日前Smartone推出左「即時訊息及語音漫遊日費計劃」，即是如果用呢個計劃，只需要日費$48，就可以一日來透過Whatsapp、Wechat及LINE（點解無Telegram！！）去使用VoIP通話同收發Message，如果你要用Google Map或者上Google搵野，都可以用漫遊數據，而漫遊數據收費為$5/MB，可以隨時隨地咁用，唔用都可以熄左個數據連接，而收費上限為一日$208，即使唔多左都唔洗驚收到天價帳單啦，加上去到當地唔洗換SIM，落地就可以上到網，對於無時無刻都要上到網嘅人都十分方便。

「即時訊息及語音漫遊日費計劃」有咩特別呢，就係有時去旅行有上網嘅目的都係可以收到Whatsapp，方便同朋友溝通，日費只是$48，相反一個漫遊數據日費計劃往往都要二百元一日，對於我呢D月入連14K都無嘅人都係一個好重嘅負擔，而且可以用VoIP Call，有咩事都可以打返去香港，唔洗漫遊通話費，不過留意下Smartone係跟係每日每個地區收費，如果你係喺歐洲就要注意呢一點啦。

雖然係可以$48就可以一日係咁同人Whatsapp，不過可以去睇下版主Keith早前介紹左唔少的旅行上網SIM，大家可以對比一下價錢，然後作出決定。